Tuma 22:3 - Tampulma

³ Pɔɔl fun bukoo ŋɔ ba, “Ju tima lul min tɔhɔn naa ba yir Taasus a li Sailisia pulum ni, amaa mu funɛ biu a burgi nihɛɛ a li Jɛrusalɛm nɔ ni. Ya nibiksi zen naa ba yir Gameliel funɛ biksi min di mu tiŋ ya nawaalsi ta chiksɛ ta nɛnɛ. Chenani mu se fun sɛri di mu tiŋ Koosa chen saha ti awa chenani ma kina sɛri zinan ya kibɛgimnɛ.

Tuma 22:3 Referans Kwoze

Tuma 26:5

Ba zimu di mu ya Farisi tim nidigirɛ a li o piili ni. Ba waa kpak si sɛm a jɛɛmi Koosa a kaali kinkin tima. Ju tima ba naa nyɛn bar nɔ daŋni, ba zi ŋɔ hinu di chenani mu sɛm chen ya wutirɛ.

Tuma 9:11

Ya kunyan ti fun bu ŋɔ un, “Si a la baal naa ba yir Judas chen dama a li nyinbaan naa ba yir deŋli. I la tel dooni, i pɛɛsi Sɔɔl naa li tɔhɔn naa ba yir Taasus chen wɛ. O la sumi Koosa,

Tuma 5:34

Ba nidigi sɔn funɛ ya Gameliel. O funɛ ya Farisi tim ta digirɛ a ya Koosa chiksɛ nibiksɛ ta digi. Nara tima maga funɛ nyɛ un jirimau kinkan. O fun si chiŋi ba bambaan ni a ŋɔ ba lisi nitumɛ ta a li sal tama.

Tuma 21:39

Pɔɔl fun ŋɔ un, “Ju tima lul min tɔ birigi naa ba yir Taasus a li Sailisia pulum ni. Mu sumi hinu, nyɛ mu sɛm a nyɛ zɛmɛ ta ni.”

Tuma 21:20

O funɛ sɛm peti, Jems awa nihɛɛti ta fun pɛgi Koosa chenani o tum chen daha. Ba fun ŋɔ Pɔɔl ni, “Ya niinbe, i zimu di Ju tima ba naa nyɛn bar nɔ, tusugsa funɛ nyɛ ya se su ya kunyan ti a kpak un ba bambe ni kinkan di ba tiŋ ba chiksɛ ta.

2 Kɔr. 11:22

Ba ya Ju timwaa? Mu gbanko ya Ju timwa. Ba ya Abraham bi lulɛwaa? Mu gbanko ya ba warɛ.

Luk 10:39

O funɛ kpak niinbere. Ba yir un Mɛri. Yesu funɛ piili a biksi o gantɛl tiŋsi ta, Mɛri fun wa kani o suwachak ni aa nu o sɛm ta.

Room 11:1

Koosa funɛ vɛ o nara magauu? Aai. Mu gbanko ya Ju tim narrɛ awa Abraham lul bisa digi a li Bɛnjamin walɛ ni.

Tuma 23:6

Pɔɔl fun na di tɔhɔn ti nihɛɛti ta wa ya nibɛgim. Bɔnɛ funɛ ya Farisi timwa. Bɔnɛ ka ya Sajusi tima. O fun sɛm ta zaŋa a ŋɔ ba, “Mu niinbisa, Farisi tima funɛ lul min. Mu kpak bambi bɛgimu di wuzu digi Koosa zi wa lɛli nisitɛu a li ba sou ni. Chendaha ma lagmi bar nɔ zinan di ma di mu sɛria.”

Tuma 6:9

Ju tim ta bɔnɛ funɛ wau di ba wa nyɛn Jɛrusalɛm ni a li Sairini pulum awa tɔhɔn naa ba yir Alɛzandria ni. Ba yaa yir ba bar lagmi dɛ ‘Yisi nibinsa a ta ba yɔri’ dɛ. Wuzu digi ba wa Ju tima ba naa li Silisia pulum awa Azia pulum ni fun lagmi a di Stivin amɔrɛ.

Gal. 1:21

Mu funɛ li Jɛrusalɛm ni, mu fun gba Siiriya pulum awa Silisia pulum.

Gal. 1:14

Mu funɛ tiŋ chenani Ju tim ta tiŋu nɛnɛ a kaali ba naa nyuuna mak dɔŋa. Mu se funɛ sɛriu kinkan di mu wa tiŋ mu nawaalsi ta nyinbaan.

Tuma 23:34

Filiks fun karimi tɔn ti a pɛɛsi Pɔɔl pulum naa o li. O funɛ zim di o li Sailisia pulum nɛ,

Tuma 15:41

a kaali Yesu nitiŋɛ ba naa funɛ nyɛn Siiriya pulum awa Sailisia pulum ni, a suŋi ba ba kpak Yesu nɛnɛ a gbaari.

Tuma 15:23

Nannɛ ba fun sɔbi a li tɔn nɔ ni. “Nitumɛ ta awa Yesu nitiŋɛ nihɛɛta, ba naa ya ma niinbisa, sɔbi tɔn nɔ a zaami Yesu nitiŋɛ ba naa vɛ ya Ju tima a nyɛn Antiɔk, Siiriya pulum awa Salisia pulum ni.

Tuma 11:25

O wa fun vusi ka Barnabas li dooni a kaali Taasus di o la dɛu Sɔɔl.

Tuma 9:30

O dɔŋtim ta funɛ nu chenani ba daŋni ba kpu un, ba fun tum Sɔɔl Siizaria ni o zu arŋa a kaali Taasus.

Luk 8:35

Tɔhɔn ti tima fun li a wa Yesu wati di ba la na kin naa yɛɛ. Ba fun wa na baal naa alizin tagna kinkan fun kani un ni chen laari gar a kani Yesu suwachak ni. O wa fun bu a zu galɛŋa. Hansura fun kpak ba.

Luk 2:46

Wuzu butora gantɛl nɛɛ, ba fun la na un Koosa bar jɛɛmi dam ti ni. O wa Ju tim nibiksɛ funɛ kani a nu ba sɛma aa la pɛɛsi ba sɛma.

Tuma 9:1

Sɔɔl ha funɛ vɛɛna namsi Yesu nitiŋɛ tau Jɛrusalɛm ni a daŋni o kpu ba. O fun la Koosa dam kɔkɔɔrsi ta nihɛɛ ti wati,

Tuma 26:9

“O fun burgi a bu ŋɔ Agripa ni, ‘Mu fun lisi di mu zi kpak unu mu bambi ni kinkan di mu chɔk Yesu Nazarɛt nar sɔn.