Tuma 22:1 - Tampulma

¹ O fun ŋɔ ba, “Nihɛɛta awa mu dɔŋtima, ma nu mu wati. Chenani mu kaa sɛm nan la zi biksi di mu nin wa toli.”

Tuma 22:1 Referans Kwoze

Tuma 7:2

O fun ŋɔ ba, “Mu nyana awa mu dɔŋtima, maa nu chenani mu kaa ŋɔ ma. Ya nyana Abraham funɛ te nyɛn Mɛsɔpɔtemia pulum nɛɛ a bu la nyɛn tɔhɔn naa ba yir Haran. Doonani o fun te nyɛn chen, wuzu digi Koosa naa kpak jirima awa chaani kinkan, fun wa,

2 Tim. 4:16

Mu funɛ kok mu titi a li sɛria bar diili dɛ ti ni, nandigi wa fun chiŋi mu gantɛl ni. Mu si su di Koosa wa zi wa lisi chenani ba fun gil min.

1 Pita 3:15

Ma nyɛ ma kunyan Kristo naa nyɛn ma ni, jirima. Waa ya tu chaan tiina. Nara pɛɛsi ma chenani ma kpak bambi bɛgim un ni, ma saksi a ŋɔ ba saha maga.

Filip. Tima 1:17

Ba naa kpak handɔta min ni, ba biksi narawa Kristo wɛ awa ba nyina nɛɛ. Ba ya se timwa a daŋni ba gbaari mu namsi ni a li dɛ nɔ ni.

Filip. Tima 1:7

Mu daŋni mau kinkan. Chendaha o weru wa mu lisi ma wɛ nan saha maga. Ba kpak min a tɔ dɛ koo mu chiŋɛ Koosa laaboor weri ti gantɛl ni a sɛm nara ni di o kpak wutiu, Koosa yaa funɛ suŋi minu awa ma maga.

2 Kɔr. 12:19

Ma lisi di ya kɔɔri ya sɔniwa ma wati a li tɔn nɔ nii? Chen wa ya wuti. Koosa dɔ ya ya sɔbi sɛm naa Yesu Kristo fun kpa nyɛ ya. Mu bi daŋnɛ, ya tum tagna la zi suŋi ma.

2 Kɔr. 7:11

Domi ma waa funɛ nyɛ Koosa chɔk ma tusa, ma se sɛrɛu di ma kɔɔri ma sɔna a bu kɔɔri wi naa kaɛɛ. Ma daŋni di ma bu na ya kinkan a kpak un ma bambe ni di ma lɛrgi naa la tum tum tagin diŋna. Tum naa maga ma fun tum, ya wa na ma galimsa.

1 Kɔr. 9:3

Bɔnɛ beeliu di mu wa ya o nitumi ti, nannɛ mu ya ŋɔ ba.

Room 2:15

Ba tuma biksɛɛ di Koosa funɛ sɔbi o chiksɛu ba bambe ni. Ba bambe lise gbanko di ba sɛria a ŋɔ ba di ba galimu akoo ba wa galimi.

Tuma 28:17

Wuzu butora gantɛl, o fun yir Ju tima ba naa nyɛn dooni, nihɛɛta ba lagmi a wa o wati. O fun ŋɔ ba, “Mu niinbisa, mu wa fun tum tum tagin a du ya walɛ ni. Mu ka wa fun vɛɛn biksi nara di ba ta bu tiŋ ya nawaalsi ta nyinbaan. Hali nan daha, ba fun kpak min a tɔ dɛ a li Jɛrusalɛm ni a kpa min a du Roman tim nisa ni.

Tuma 26:24

Pɔɔl funɛ kok o titi chene, Fɛstus fun teŋ o nɔ a tɛsi a ŋɔ, “Pɔɔl, i zima kinkan nyɛ i zu galɛŋa.”

Tuma 25:16

Mu fun ŋɔ ba di Roman tima wara di nar sɛria hali o wa na nyinbaan a kok o titi a li ba naa la fiksi un chen suwachak ni.

Tuma 25:8

Pɔɔl fun la chiŋi Fɛstus suwachak ni a ŋɔ un, “Mu wa fun chɔk Ju tim ta chiksɛ koo a sɛm sɛm tagin a du Koosa bar jɛɛmi dam ti ni koo a chɔk koorsi ta nyuhu tiina Siiza sɔn.”

Tuma 24:10

Doone Filiks fun ŋɔ Pɔɔl ni di o saha telu wa o sɛm. Pɔɔl fun ŋɔ, “Mu zimu di i di ya nara sɛriau bun damata. Chendaha mu tuha sɔɔni di mu kok mu titi i suwachak ni zinan.

Tuma 23:6

Pɔɔl fun na di tɔhɔn ti nihɛɛti ta wa ya nibɛgim. Bɔnɛ funɛ ya Farisi timwa. Bɔnɛ ka ya Sajusi tima. O fun sɛm ta zaŋa a ŋɔ ba, “Mu niinbisa, Farisi tima funɛ lul min. Mu kpak bambi bɛgimu di wuzu digi Koosa zi wa lɛli nisitɛu a li ba sou ni. Chendaha ma lagmi bar nɔ zinan di ma di mu sɛria.”

Tuma 23:1

Pɔɔl fun nyini ba se ni a ŋɔ, “Mu niinbisa, chenani mu nyɛn hali wa zinan, mu kpak tuha kibɛgimu awa Koosa ni.”

Tuma 19:33

Ju tim ba naa funɛ nyɛn zɛmɛ ta ni, bɔnɛ fun kpak baal naa ba yir Alɛzanda a zak un li zɛmɛ ta suwachak di o ŋɔ ba chenani o kpak. O fun a viigi o nin di ba gil chɛɛma.

Tuma 13:26

“Mu niinbisa, ma naa ya Abraham bi lulɛ, awa ma naa vɛ ya Ju tima a la jɛɛmi Koosa. Laaboor weri naa la biksi chenani Koosa daŋni o lisi nara a li ba tum tagna ni ba tiŋ un ya ya kinnɛ.

Luk 21:14

Ma ta nyɛ chenani ma kaa wa la sɛm sɛria nidiile ta wati kimuksi ma.

Luk 12:11

“Nara zi wa kpa ma a la ba bar lagmi dɛɛna awa koorsa awa nihɛɛta suwachak di ba di ma sɛria. Chen wa ya, ma ta nyɛ chenani ma kaa wa sɛmi kimuksi ma.