Tuma 21:33 - Tampulma

³³ Lanjimasa nihɛɛ nyuhu tiin ti fun ŋɔ o lanjimasi ta ni ba kpa zɔglɛ abalɛ a vɔu Pɔɔl a burgi pɛɛsi zɛmɛ ta, “Anti ya baal nɔ? Baŋnɛ o tum?”

Tuma 21:33 Referans Kwoze

Ɛfɛ. 6:20

Hali ba fun kpak min a tɔ dɛ, mu ha vɛɛn ya Koosa laaboor weri ti nitumirɛ. O deŋlu wa mu kpak bambi a biksi ba naa nyɛn bar nɔ o wɛ a ta kpa kundɔŋ a ta gantɛl ni.

Tuma 21:11

O fun kaali Pɔɔl wati a la ŋɔ un di o kpa o chɛra kikirisa a nyɛ un. Pɔɔl fun kpa a nyɛ un. Agabus fun kani a kpa un a vɔu o nisa awa o naŋgere a ŋɔ, “Ma nu chenani Koosa siim weri ti fun ŋɔ minu. Chɛra kikirisi nɔ tiina la tel Jɛrusalɛm, Ju tima ba naa nyɛn dooni, zi wa vɔu unu a chi chenani mu vɔu mu titi nan, a kpa un a du ba naa vɛ ya Ju tim nisa ni.”

Tuma 20:23

Mu zimu di doonani maga mu funɛ gba, waa funɛ ŋɔ min di mu zi na namsiu ka nara tɔ min dɛ.

Tuma 12:6

Ba fun kpa zɔgli a vɔu Pita a kpa bar digi a vɔu lanjimasi ta digi o nindil wati, a fun bu kpa digi a vɔu un a kpa bar digi a vɔu lanjimasi ta digi a li o ningal ni. Lanjimasi ta bɔnɛ ka funɛ il dɛ ti zɔɔnɔ. Dusum digi Pita fun nyɛn lanjimasa lɛ ta bambaan ni a chɔ do. A wuzu ti chɔɔsa funɛ kaa pisi, Hɛrɔd kaa yisi un a di un sɛria nara tima suwachak ni.

Tuma 28:20

Ya Ju tima kpak bambi bɛgimu di Koosa zi tum naa o fun vɔu di o tumu ba wati wuzu digi. Roman tim ta funɛ kpa zɔgliu a vɔu mu nisa a nyɛ lanjima nɔ il min domi naa ya nara kpak bambi bɛgim a nyɛ chen daha. Chendaha mu yir ma di ma wa min na dɔŋa.”

Tuma 22:29

Lanjimasa ba naa funɛ daŋni ba tuk Pɔɔl chen, fun vaan bur gantɛl. Nihɛɛ nyuhu tiin ti funɛ zim di Pɔɔl funɛ sɛm wutirɛ, hansura fun kpak un, domi o wa fun kpak nyinbaan di o kpak un a kpa zɔglɛ ta a vɔu un.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

2 Tim. 1:16

Ɔnɛsifɔrɔs funɛ kpami minu bu damata. Chendaha mu sumi ya kunyan ti di o kpak o walɛ siki. O wa kpak hiisa a du min ni domi ba funɛ kpak min a tɔ dɛrɛ daha.

Tuma 26:29

Pɔɔl fun ŋɔ, “Mu na nyinbaan a sɛm sɛm tama koo sɛm damata, mu zi sumi Koosau di i wa ba naa maga nyɛn bar nɔ nan zi burgi Yesu nitiŋɛu a chi chenani mu ya Yesu nitiŋi, amaa mu wa zi sumi un di ba tɔ ma dɛ a chi chenani ba fun tɔ min dɛ chen.”

Tuma 25:16

Mu fun ŋɔ ba di Roman tima wara di nar sɛria hali o wa na nyinbaan a kok o titi a li ba naa la fiksi un chen suwachak ni.

Tuma 22:30

Nihɛɛ nyuhu tiin ti funɛ daŋni o zim chenani Pɔɔl ya Ju tim ta fiksi un. Chɔɔsa funɛ wa pisi, o fun ŋɔ o lanjimasi ta ni ba pur zɔglɛ ta Pɔɔl ni a fun ŋɔ Koosa dam kɔkɔɔrsi ta awa tɔhɔn ti nihɛɛti ta ni ba lagmi. Doone o fun kpa un a chiŋsi ba suwachak ni.

Filip. Tima 1:7

Mu daŋni mau kinkan. Chendaha o weru wa mu lisi ma wɛ nan saha maga. Ba kpak min a tɔ dɛ koo mu chiŋɛ Koosa laaboor weri ti gantɛl ni a sɛm nara ni di o kpak wutiu, Koosa yaa funɛ suŋi minu awa ma maga.