Tuma 20:35 - Tampulma

³⁵ Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Tuma 20:35 Referans Kwoze

Ju 13:16

Ma ta suglɛ di ma tum tum were a kisuŋi dɔŋa saha maga. Chenani ya ya chen gbanko kɔɔr naa sɔɔni Koosa tuha kinkan.

Mat. 10:8

Ma tiibi wichɔɔrsa awa zaguma a kilɛligi siwe a li ba sou ni aa duŋni alizin tagna a li nara ni. Mu wa ŋɔ di ma bɔ kpok naa mu kpa nyɛ ma chen. Chendaha ma ta nyɛ ba naa ma tiibi chen, bɔ ma.

2 Kɔr. 8:9

Ma zimu chenani ya kunyan Yesu Kristo funɛ daŋni ya a la suŋi ya kinkan. O funɛ kpa o kidamatiwa a ta, a fun a ya fara tiina ma daha, chen ni ma zi lau a li o kidamati ta ni.

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

Room 15:1

Ya naa se su Kristo nɛne, o lawa ya suŋi ba naa se vɛ su un nɛne. Ma ta nyɛ yaa lisi ya duŋduŋ kina wɛ,

Tuma 20:27

Kin naa maga Koosa daŋni o tum wa ka mu vɛ biksi ma.

Ju 13:3

Maa lisi ba naa ba fun kpa la tɔ dɛ a chi ma nyɛn ba watɛɛ dooni wɛ. Maa gbanko kilisi ba naa la na namsi a chi ma titi la na namsi wɛ.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

Tuma 20:20

Mu funɛ biksi Koosa laaboor weri ti a nyɛ ma nara suwachak ni a vɛɛn biksi ma a li ma damsi ni. Kinkin naa la zi suŋi ma wa ka mu vɛ ŋɔ ma.

2 Kɔr. 12:13

Chenani mu fun a biksi ma awa chenani mu fun a biksi Koosa nitiŋɛ ba naa nyɛn bar kurgɛ ni, ya kibɛgimnɛ, amaa kibɛgim funɛ ka. Mu wa fun pɛɛsi ma di ma suŋi min wa diwe ni. Mu vɛ nyɛ ma tusa sɔɔni diwe na daha, ma gil nyɛ min.

2 Kɔr. 11:9

Wuzu digi mu malɛ fun wa peti, amaa mu wa fun wa pɛɛsi ma di ma suŋi min. Mu niinbisa ba naa nyɛn Masɛdonia pulum ni, funɛ zer kin naa maga mu daŋniu a wa nyɛ min. Mu yaa fun dosou di mu wa zi nyini ma se ni a li kundɔŋ ni. Chene o kaa nyɛn kpa la saha wa wa.

1 Tɛs. 4:11

Ma kpaŋi ma titi aa tum ma tuma balimm. Ma ta zu ma dɔŋtima wɛ ni. Ma gbanko kidi ma bara wilim ni a chi chenani ya fun piin a biksi ma chen.

2 Kɔr. 11:12

Mu wa zi chɛrgi chenani mu tum nan, chen ni nibiksɛ nama wa zi na nyinbaan a ŋɔ di ba tuma awa mu tuma ya kibɛgimnɛ.

1 Kɔr. 9:12

Ma nyɛ bɔnɛ ni chene. Ba kpak chen nyinbaan a la diwe ma wati, ya waa wa kpak chen nyinbaan a kaali baa? Ya ha wa ŋɔ ma di ma ya chen a nyɛ ya. Ya kpak kanyitarɛ kina maga ni, chen ni ya wa zi tɔ Kristo laaboor weri ti nyinbaan.

Tuma 20:34

Mu yaa funɛ tum a li mu bara wilim nee a nyini mu wa mu pɛgsa.

Tuma 20:36

Pɔɔl funɛ sɛm peti, o wa ba fun gbiri tɛɛnɛ ni a sumi Koosa.

3 Jɔn 1:7

Yesu daha baa gba tɔsa nan. Ba wara daŋni ba naa vɛ zim Koosa nyɛ ba kundɔŋ.