Tuma 20:25 - Tampulma

²⁵ “Mu wa ma funɛ nyɛn, mu funɛ biksi ma di saha naa Koosa kaa wa dɔ nara telu. Mu zimu di saha nɔ kpa la, ma wa zi bu na min.

Tuma 20:25 Referans Kwoze

Tuma 28:31

O fun kpak bambi a biksi ba di saha naa Koosa kaa wa dɔ nara chen telu awa ya kunyana Yesu Kristo wɛ. Nandigi wa fun to a tɔ un nyinbaan di o ta sɛmi.

Tuma 20:38

Chenani o fun te ŋɔ ba di o wa zi bu na ba fun chɔk ba tusa kinkan, ka ba gil un o zu arŋ ti.

Mat. 4:23

A saha tirɛ Yesu fun a gba Galili maga a zu ba bar lagmi dɛɛna aa biksi nara Koosa laaboor weri naa o zi wa dɔ ba wɛ. O gbanko funɛ tiibi wichɔɔrsa bawu maga ni a nyɛ ba.

Kɔl. 2:1

Mu daŋni ma zimu chenani mu baga nyɛn ma awa Laodisia tima wa ba naa vɛ zim min.

Gal. 1:22

Chen saha ti maga, Yesu nitiŋɛ ba naa nyɛn Judia pulum ni, wa fun pu min.

Room 15:23

Amaa tum naa muu tum bar nɔ ni petiu. O nyɛn mu bambi niu di mu wa na ma bun damata.

Tuma 8:12

Filip funɛ wa biksi ba Yesu Kristo wɛ awa chenani Koosa daŋni o dɔ nara wɛ, nibaala awa nihaana kinkan fun nyɛ ba se su Koosa laaboor weri ti. Doone ba fun nyɛ o chaksi ba wa ni ni.

Luk 16:16

“Chiksɛ naa Koosa fun kpa nyɛ Mosis ni awa chenani Koosa witinsi ta fun sɔbi chen biksi ma chenani ma zi nyɛn, hali saha naa Jɔn fun wa a biksi ma di Koosa duglɛu wa o dɔ nara. Lalaknɔ nidamata se sɛrɛu di o dɔ ba.

Luk 9:60

Yesu fun ŋɔ un, “Tiŋ min lalaknɔ a la biksi nara di Koosa daŋni o dɔ bau. Nyɛ ba naa vɛ tiŋ min sogli un.”

Mat. 13:52

Yesu fun bukoo ŋɔ ba, “Nibinsa ba naa funɛ tiŋ Koosa chiksɛ gantɛl duŋduŋ ka Koosa dɔ ba lalaknɔ, ba waa chi ba naa kpak napagsa. Ba waa kote a lisi wuti bunɛ awa wuti falɛ a li ba napagsi ta ni a biksi nara.”

Mat. 13:19

Kiduha naa funɛ chesi nyinbaan ti ni chen chi Koosa koor laaboor weri naa nibinsa nu a vɛ zim o mun. Sintana funɛ siu lalaga a wa yisi laaboor ti a li ba bambe ni.

Mat. 10:7

Ma la biksi ba di saha zi wa telu Koosa dɔ nara.

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”