Tuma 20:16 - Tampulma

¹⁶ Pɔɔl wa funɛ daŋni o nyɛn Azia pulum ti ni. O ka funɛ daŋni o gali Ɛfɛsus nɛɛ a la tel Jɛrusalɛm lalaga. Ju tim ta wuzu zen naa ba yir val la gali ti chen funɛ dugli. O daŋni o te la dooni ka o zi tel.

Tuma 20:16 Referans Kwoze

1 Kɔr. 16:8

Amaa mu zi nyɛn Ɛfɛsus niu hali Ju tim ta wuzu zen naa ba yir Pɛntɛkɔst chen wa tel.

Tuma 2:1

Ju tim ta wuzu zen naa ba funɛ yir Pɛntɛkɔst chen wa tel, Yesu gantɛl tiŋsi ta maga fun wa lagmi dɔŋ ni.

Tuma 19:21

A gantɛl nɛɛ Pɔɔl fun lisi di o zi gbau a la Masɛdonia pulum awa Girik tima pulum a bur wa Jɛrusalɛm. O gbanko fun lisi di chen gantɛl ni o zi li dooniu a la Room.

Tuma 24:17

“Saha naa mu fun nyɛn Jɛrusalɛm ni, o funɛ vusiu ka mu la dooni. Ju tim ta bɔnɛ fun lagmi malɛ a du mu nin ni di mu kpa la Jɛrusalɛm. Mu gbanko fun la dooni di mu jɛɛmi Koosa.

Tuma 21:4

a dɛu Yesu nitiŋɛ a nyɛn ba wati wuzu bunɔpɛ. Koosa siim weri ti fun nyɛ ba ŋɔ Pɔɔl ni di o ta la Jɛrusalɛm.

Tuma 20:22

Lalaknɔ mu tiŋ Koosa siim weri ti nɔ a le la Jɛrusalɛm. Mu wa zim chenani maga kaa ya min dooni.

Tuma 20:13

Pɔɔl fun waligi ya ni a kaali tɔhɔn naa ba yir Asɔs o duŋduŋ. Ya ka fun zu arŋa a la pu un dooni a chi chenani o fun ŋɔ ya chen.

Tuma 20:6

Ju tim ta wuzu zen naa ba yaa se boroboro ka luri vɛ nyɛni chen, petiu, ya fun li Girik tim pulum a kaali Filipai a la zu arŋa a kaali Troas. Wuzu bunyuu gantɛl ni ya fun tel doon a nyɛn wuzu bunɔpɛ.

Tuma 18:21

Pɔɔl fun chausi Akwila awa Prisila dooni a ŋɔ ba naa la daŋni o nyɛn ba wati chen, “Koosa nyɛ min nyinbaan, mu zi bur wa ma watiu.” Doone o fun bu a la zu arŋ ti a kaali.

Tuma 18:19

Ba fun la tel tɔhɔn naa ba yir Ɛfɛsus ka Pɔɔl fun la zu Ju tim ta bar lagmi dɛ di o wa ba di o biksi ti amɔrɛ.

Tuma 12:13

O fun chiŋi dentil ni a mo bulzɔɔnɔ a yir. Dam ti nihabichɛl digi sɔn funɛ ya Roda. O fun wa bulzɔɔnɔ ti a wa pɛɛsi, “Antirɛ?”

Tuma 16:6

Pɔɔl awa o kpɛgsa fun gba a la li Frijia awa pulum naa ba yir Galesia. Ba funɛ la tel pulum naa ba yir Azia, Koosa siim weri ti wa fun nyɛ ba nyinbaan di ba zu a biksi Koosa laaboor weri ti dooni.

Tuma 19:1

Apɔlɔs funɛ nyɛn Kɔrint ni, Pɔɔl fun gba a la li Ɛfɛsus. O fun la pu Yesu nitiŋɛ ta bɔnɛ dooni,

Tuma 20:4

Nara banɔpɛ awa Pɔɔl funɛ te ya suwachak a la pɔ ya Troas ni. Ba sɔna funɛ ya Sopata, Pirus be a li Bɛrɛa ni, Aristakus awa Sɛkundus a li Tɛsalɔnika ni, Gaiyus a li Dɛɛbɛ ni, Taikikus awa Trofimus a li Azia pulum ni, awa Timoti.

Tuma 20:18

Ba funɛ la tel dooni, Pɔɔl fun ŋɔ ba, “Saha naa mu wa ma fun nyɛn Azia pulum ni, ma zim chenani mu fun duu.