Tuma 2:22 - Tampulma

²² “Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Tuma 2:22 Referans Kwoze

Jɔn 3:2

Wuzu digi dusumnɛ, o fun la ŋɔ Yesu ni, “Mu kunyana, ya zimu di Koosa funɛ tum hin di i wa biksi ya. Tum zene naa i tum biksi ya di Koosa kpok ti nyɛn hin ni.”

Tuma 4:10

Ya daŋni ma awa Ju tim ta maga zim chenani mu kaa ŋɔ mau nɛnɛ. Yesu Kristo Nazarɛt nar kpokre ya kpa a tiibi un. Ma fun kpaasi Yesu a mari daakakli ti ni o sou, amaa Koosa fun lɛlɛ unu a li o sou ni. Yesu daharɛ baal nɔ na alaafɛ a wa chiŋi bar nɔ zinan nan.

Luk 11:20

Koosa titi nyɛ min o kpok mu yaa duŋni alizin tagni ta a li nara ni. Nan biksi ma di saha ti telu di Koosa wa dɔ ma.

Mat. 12:28

Koosa siim weri ti ka nyɛ min kpok mu yaa duŋni alizin tagna a li nara ni. Nan biksi ma di saha ti telu di Koosa wa dɔ ma.

Mat. 9:8

Ba naa funɛ chiŋi dooni na chenani o ya, hansura fun kpak ba kinkan. Ba fun a pɛgi Koosa o kpa o kpok a nyɛ Yesu ni o tum chen daha.

Ju 2:4

Koosa funɛ nyɛ ba tum tum zene awa alaazibu tuma a tiŋ o tutɔ a kpa o siim weri ti papaha a nyɛ ba di o biksi nara di o sɛm ta ya wutiu.

2 Kɔr. 12:12

Mu funɛ nyɛn ma wati, ma wa funɛ beeli di mu ya Koosa nitumirɛ wuti. Waa funɛ suŋi min di mu tum tum zene a kitum alaazibu tuma awa kanyita kinkan ni a nyɛ ma.

Tuma 26:26

Pɔɔl fun burgi a ŋɔ koor Agripa ni, “Koor Agripa, i zim chenani mu sɛm chen munu. Chendaha mu kpak bambi a sɛm hin. Nara fu zi ŋɔ hin kin nama wɛu, domi a wa funɛ sogli a ya.

Tuma 26:9

“O fun burgi a bu ŋɔ Agripa ni, ‘Mu fun lisi di mu zi kpak unu mu bambi ni kinkan di mu chɔk Yesu Nazarɛt nar sɔn.

Tuma 24:5

Pɔɔl nɔ chiŋɛ i suwachak ni nan, yaa muksi ya narau a huusi ma Roman tima ma naa dɔ ya. Doonani maga o la, ka Ju tim ta nyɛn, o yaa nyɛ tɔhɔn ti damu. O gbanko ya ba naa la tiŋ Nazarɛt nar, nidigi nyuhu tiinnɛ.

Tuma 22:8

Mu fun ŋɔ, ‘Mu kunyana, anti ya hin?’ Ta ti fun ŋɔ, ‘Min ya Yesu Nazarɛt nar naa i namsi chen.’

Tuma 21:28

Ba fun tɛsi a ŋɔ, “Ma Ju tima, ma wa suŋi ya. Baal naa ya kpak nan, waa ya naa yaa biksi nara bar damati ni di Ju tim ta, ba chiksɛ ta awa Koosa bar jɛɛmi dam nɔ ya yɔrirɛ. Hali lalaknɔ o kpa ba naa vɛ ya Ju timwa a wa zu bar nɔ a chɔk doonani Koosa fun lisi a nyɛ o titi ni chen.”

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Tuma 13:16

Doone Pɔɔl fun si chiŋi a kpa o nin a viigi ba suwachak ni di ba moori a ŋɔ ba, “Mu niinbisa Ju tima awa ma naa vɛ ya Ju tima a la jɛɛmi Koosa, maa nu mu wati nɛnɛ.

Tuma 6:14

Ya funɛ nuu ka o sɛm di Yesu Nazarɛt nar zi chɔk bar nɔu a chɛrgi nyinbaan naa Mosis fun ŋɔ ya nawaalsi ta di ba tiŋ.”

Tuma 5:35

O fun ŋɔ ba, “Mu dɔŋtima, ma doso chenani ma kaa ya nara nama.

Tuma 3:12

Pita funɛ na ka zɛmɛ ta gbaari, o fun ŋɔ ba, “Ma Ju tima, yɛrɛ ma nyɛ alaazibu kpak ma chen? Yɛrɛ ma nyini ya se ni chen ni? O wa ya ya titi kpok nee koo chenani ya yaa jɛɛmi Koosa nɛnɛ nyɛ baal nɔ na alaafɛ.

Jɔn 19:19

Pailɔt fun ŋɔ o lanjimasi ta ni ba sɔbi o yaali a mari o daakakli ti ni. Chenani ba fun sɔbi ya, “Yesu Nazarɛt narrɛ. Waa ya Ju tim ta koora.”

Jɔn 15:24

Mu funɛ tum alaazibu tuma a naa nibine zi vɛ koti a tumiu, ba suwachak ni. Chendaha Koosa gbanko na ba galimsa. Hali chenani maga ba na ka mu tum nyɛ ba, a maga ya yɔrirɛ ba wati ka ba ha min awa mu nyan ti.

Jɔn 12:17

Ba naa funɛ na chenani Yesu yir Lazarus di o si o sou ni a li gbɛntɛl bɔ ti ni a wa, ba fun bur kaali Jɛrusalɛm di ba la mɔɔli laaboora.

Jɔn 11:47

Doone Farisi tim ta fun yir Koosa dam kɔkɔɔrsi ta ba lagmi a na dɔŋa a zim chenani ba zi ya. Ba fun ŋɔ dɔŋ ni, “Baal nɔ tum tum zene kinkannɛ.

Jɔn 10:37

Ma la nɔɔni di tum naa mu tum nan, ya mu nyan ti tumwa, ma nyɛ ma se su mu sɛm ta.

Jɔn 9:33

Chenani o tum chen biksi di o li Koosa watɛɛ.”

Jɔn 7:31

Zɛmɛ ta nidamata se fun su un. Ba funɛ ŋɔ dɔŋ ni, “Kristo wa wa, o tum zene zi kaali baal nɔ tum zeneuu?”

Jɔn 6:27

Ma ta kpa ma bambe a du diwe naa la zi wa chɔk, amaa ma ka kpa ma bambe a du Koosa mi fali naa vɛ kpak bɔ ni. Koosa naa ya mu nyan ti chiŋɛ mu gantɛl ni di mu ya nibine be. Chendaha mu koti a kpa chen mi fali ti a nyɛ ma.”

Jɔn 6:14

Zɛmɛ naa funɛ di diwe ta, fun na chenani Yesu tum tum zen a nyɛ ba, ba fun ŋɔ dɔŋ ni, “Wutirɛ baal nɔ sir ya witiina naa Koosa fun ŋɔ di o zi wa tumu tɛɛnɛ nɔ maga ni wuzu digi chene.”

Jɔn 5:36

Jɔn funɛ biksi nara mu wɛ, amaa kundɔŋ biksi nara mu wɛ a kaali chenani Jɔn fun biksi. Tum zene naa mu nyan ti fun nyɛ mu tum, a waa biksi nara di waa funɛ tum min.

Jɔn 4:48

Yesu fun ŋɔ un, “Mu vɛ tum tum zene a nyɛ ma, ma se wa zi su min.”

Jɔn 1:45

Filip fun na baal naa ba yir Nataniɛl chen a ŋɔ un, “Mosis awa Koosa witinsa funɛ sɔbi a li Koosa sɛm tɔn ti ni saha digi Kristo naa Koosa fun ŋɔ di o zi wa tumu wuzu digi chen wɛ. Ya zim unu. Waa ya Yesu, Josɛf be, a li tɔhɔn naa ba yir Nazarɛt ni chen.”

Luk 24:18

Ba nidigi sɔn funɛ ya Klɛɔpas. O fun ŋɔ Yesu ni, “I ya hɔɔrrɛ a vɛ zim kinkin naa la ya bar nɔ wuzu bilɛ na tuhu nii?”

Mat. 2:23

di o la sa o dama a li tɔhɔn naa ba yir Nazarɛt a li Galili pulum ni. O fun ya chen, chenani Koosa witinsi ta fun sɛm saha digi, chen ya wuti. Ba funɛ ŋɔ di, “Koosa be la zi yir Nazarɛt nar.”

Tuma 2:19

Mu zi kpa chɛl awa din wa nyɔsau a chɛrgi buudaha awa tɛɛnɛ nɔ magau.

Tuma 2:43

Koosa funɛ nyɛ o nitumɛ ta tum tum zene awa alaazibu tumwa kinkan. Tum na daha, Yesu gantɛl tiŋsi ta maga funɛ nyɛ ba jirima kinkan.

Tuma 3:6

Pita fun bu ŋɔ un, “Ya wa kpak malɛ a la zi nyɛ hin, amaa ya zi nyɛ hin kundɔŋu. Kpa Yesu Kristo Nazarɛt nar kpok a si a val.”

Luk 18:37

Ba fun ŋɔ un, “Yesu naa ya Nazarɛt narrɛ.”