Tuma 19:16 - Tampulma

¹⁶ Alizin tagin ti fun si baal ti ni a la muksi ba wa kpok ni a huusi ba a puuni ba kilaarɛ a nyɛ ba chɔ kaali.

Tuma 19:16 Referans Kwoze

Maak 5:15

Ba fun wa na baal naa alizin tagna kinkan fun kani un ni chen laari gar a kani Yesu wati. O wa fun bu a zu galɛŋa. Hansura fun kpak ba.

Luk 8:35

Tɔhɔn ti tima fun li a wa Yesu wati di ba la na kin naa yɛɛ. Ba fun wa na baal naa alizin tagna kinkan fun kani un ni chen laari gar a kani Yesu suwachak ni. O wa fun bu a zu galɛŋa. Hansura fun kpak ba.

Tuma 3:8

Kpok ti funɛ vaan wa zu un, o si za chiksi a val. Pita awa Jɔn funɛ la Koosa bar jɛɛmi dam ti, o tiŋ ba a za a chiksi a la pɛgi Koosa.

Tuma 19:15

Alizin tagin ti fun ŋɔ ba, “Mu zim Yesu awa Pɔɔl, amaa anti ya ma?”

Tuma 19:17

Ju tim ta maga awa ba naa vɛ ya Ju tima aa nyɛn Ɛfɛsus ni fun nu chenani yɛɛ. Hansura fun kpak ba kinkan, chen ni ba fun nyɛ ya kunyana Yesu awa jirima kinkan a gbaari.

2 Pita 2:19

Nibiksɛ ta la biksi nara di ba naa nuɛɛ a tiŋ ba, ba lisi ba a ta, amaa ba titi ya tum tagna a naa la chɔk ba, yosiwa. Kinkin naa nyaŋi nibine, nyɛ o burgi kin ti yoma.