Tuma 16:34 - Tampulma

³⁴ Doone niili ti fun kpa Pɔɔl awa Sailas a kaali o dam ti a la ya diwe ba di. O wa o walɛ ta tusa fun sɔɔni kinkan, domi ba se su Koosa.

Tuma 16:34 Referans Kwoze

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Faili. 1:7

Mu niinbe daŋni, hin la kpami min a la nyɛ mu tuha sɔɔni kinkan, domi ii daŋni ba naa maga la tiŋ Koosa nyinbaannɛ a la kpami ba.

Room 5:11

Chen maga laatanɛ. Lalaknɔ Koosa ya ya jirima tiina ya kunyana Yesu Kristo naa nyɛ ya wa un ya nibɛgim daha.

Tuma 2:46

Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.

Filip. Tima 4:17

Mu wara daŋni ma papaha duŋduŋnɛ. Mu daŋni chenani ma zi ya a sɔɔni Koosa tuharɛ.

Filip. Tima 4:4

Ma nyɛ ma tusa sɔɔni saha maga ya kunyan ti daha. Mu zi bukoo nɔ mau, ma nyɛ ma tusa sɔɔni.

Room 5:2

Waa funɛ kpa ya a kansi bar zen nɔ ni ya se suuli daha. Waa nyɛ ya kpak bambi bɛgim di wuzu digi Koosa wa ya zi wa bɔni o jirimau. Chendaha ya tusa sɔɔni kinkan.

Tuma 11:14

Waa la zi ŋɔ ma chenani i wa i walɛ zi ya, chen ni Koosa zi wa yisi mau a li ma tum tagna ni ma bur a tiŋ un.’

Tuma 8:39

Ba funɛ wa li ni ti ni, ya kunyana Koosa siim weri ti fun vaan zer Filip a kaali, chen ni baal ti wa zi bu na un. Baal ti fun bu zu o loori munzuha ti a la wa tu sɔɔn kinkan ni.

Luk 19:6

Zakius fun vaan tu bugil ti ni a zaami un awa tu sɔɔn kinkan ni a kpa un a kaali o dama.

Luk 15:32

amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”

Luk 5:29

Yesu awa o gantɛl tiŋsi ta fun kaali Livai dama di ba la di diwe. Lampo nilalɛ awa nidamata fun tiŋ Yesu ka ba bɔnɛ la gbaari un ni awa o gantɛl tiŋsi ta ni. Ba maga fun kani a di diwe ta.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 16:35

Chɔɔsa funɛ wa pisi, sɛria nidiile ta fun tum lanjimasi ta di ba la ŋɔ niili ti ni o lisi Pɔɔl awa Sailas a nyɛ ba la.