Tuma 15:36 - Tampulma

³⁶ Wuzu digi Pɔɔl fun ŋɔ Barnabas ni, “Ya funɛ biksi narau a li tɔ damati ni. Ma nyɛ ya bur kila a la na chenani Yesu nitiŋɛ ba naa nyɛn dooni, se su.”

Tuma 15:36 Referans Kwoze

Tuma 14:6

Pɔɔl awa Barnabas funɛ na ba ka ba wa, ba fun si lalaga a li dooni a kaali tɔsa a naa ba yir Listira awa Dɛɛbɛ awa tɔsa naa go a a li Laikonia pulum ni.

Tuma 13:4

Koosa siim weri ti fun ŋɔ Barnabas awa Sɔɔl ni di ba la tɔhɔn naa ba yir Selusia a la zu arŋa a la Saiprus pulum naa ni go chen.

Tuma 13:51

Pɔɔl awa Barnabas funɛ nyɛn nyinbaan ni a la chene, ba fun pisi ba naŋgere hɛɛra a ta di Ju tim ta zim di o wa li ba ni, a kaali tɔhɔn naa ba yir Ikonium.

2 Kɔr. 11:28

Kin nawara nyɛnɛɛ mu ha vɛ sɛm ma a wɛ. Mu baga nyɛnu kinkan saha maga di Yesu nitiŋɛ ta maga zi tiŋ unu nɛnɛ.

Room 1:11

Mu daŋni mu na mau kinkan, chen ni mu wa ma zi kotiu a bɔni Koosa siim weri ti papaha bɛgim di ma kpak nɛnɛ.

Tuma 14:1

Pɔɔl awa Barnabas fun la tel Ikonium a la zu Ju tim ta bar lagmi dɛ a sɛm ba a chi chenani ba fun sɛm a li Antiɔk ni. Ju tim ta awa ba naa vɛ ya Ju tima nidamata fun nyɛ ba se su Koosa laaboor weri ti ba sɛm ta daha.

2 Tim. 1:4

Mu lisu chenani i fun li mu watiu ka i tuha chɔku kinkan. Mu daŋni mu bu na hinu kinkan, chen ni i zi nyɛ mu tuha sɔɔniu hali a la gali.

1 Tɛs. 3:6

Timoti funɛ wa ma watiu a bur wa ya wati. Laaboor naa o fun wa a wa ŋɔ ya chen funɛ ya ya lɛmlɛmu kinkan. O funɛ ŋɔ yau chenani ma se su Yesu ka ma daŋni nara. O funɛ ŋɔ ya di ma ha vɛɛn a lisi ya wɛu nɛnɛ, a la daŋni ma na ya a chi chenani yaa daŋni ya na ma nan.

Tuma 14:21

Ba fun la biksi Koosa laaboor weri ti a nyɛ nara ni dooni ka nidamata fun nyɛ ba se su un. Doone ba fun vɛɛn bur a chi chenani ba wa chen a la gali Listira awa Ikonium a la tel Antiɔk a li Paisidia pulum.

Tuma 7:23

“Mosis funɛ wa tel bun fumnaasi, o fun lisi di o la na o dɔŋtim Ju tima.

Mat. 25:43

N funɛ ya hɔɔr, ma wa fun la min a du ma damsi ni. N funɛ vɛ kpak kilaarɛ, ma wa fun nyɛ min kilaarɛ mu laari. Wichɔɔrta funɛ kpak min ka ba fun tɔ min dɛ, ma wa fun wa nyini min.’

Mat. 25:36

Mu wa fun kpak kilaarɛ, ma nyɛ min kilaarɛ mu laari. Wichɔɔrta fun kpak min, ma nyini min. Ba fun tɔ min dɛ, ma wa zaami min.’

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Tuma 13:12

Gɔbnati nyuhu tiin ti funɛ na chenani yɛɛ, o se fun su Koosa laaboor weri ti. Alaazibu fun kpak un kinkan a li chenani Barnabas awa Sɔɔl fun biksi un ya kunyan ti wɛ.