Tuma 14:26 - Tampulma

²⁶ a la zu arŋa dooni a bur kaali Antiɔk naa nyɛn Siiriya pulum ni chen. Antiɔk ti nɛɛ Yesu nitiŋɛ ta fun te kpa Pɔɔl awa Barnabas a du Koosa nin ni di o suŋi ba ba la tum o tuma a li tɔsi naa bole ni a peti.

Tuma 14:26 Referans Kwoze

Tuma 15:40

Yesu nitiŋɛ ta fun kpa Pɔɔl awa Sailas naa o fun lisi, a du Koosa nin ni di o suŋi ba. Ba fun li dooni,

Tuma 11:19

Ju tim ta funɛ kpu Stivin a nyɛ Yesu nitiŋɛ ba naa nyɛn Jɛrusalɛm ni, na namsi, ba nidamata fun pisi a kaali bar bole. Ba bɔnɛ fun kaali Fonisia pulum awa tɔhɔn naa ba yir Antiɔk. Bɔnɛ ka zu arŋa a kaali pulum naa ba yir Saiprus ka ni go un. Ba maga fun kpa Koosa laaboor weri ti a biksi Ju tim ta duŋduŋ.

Kɔl. 4:17

Mu daŋni ma ŋɔ Arkipus ni di o lawa o tum tum naa Koosa fun kpa nyɛ un chenu a peti.

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

Kɔl. 1:25

Koosa nyɛ mu tum a nyɛ o nitiŋɛ ta ni, chen ni mu zi suŋi bau kinkan. Waa funɛ nyɛ mu ya chen tumtumna a ŋɔ di muu biksi o laaboor weri ti maga hali a wa peti.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

Tuma 11:26

O funɛ na un, Barnabas fun kpa un a bur kaali Antiɔk. Ba fun nyɛn doon bun bɛgim aa biksi Yesu nitiŋɛ ba naa i kinkan chen. Saha tirɛ ba naa funɛ nyɛn doon chen fun te chɛrgi chenani ba yir Yesu nitiŋɛ ta a du ba Yesu Kristo nitiŋɛ ta.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Gal. 2:11

Wuzu bilɛ Pita fun wa dooni. O funɛ nyɛn doon chene, mu fun a fiksi un gbampulim ni di mu na o galimsau.

Tuma 15:30

Nitumɛ ta awa nihɛɛti ta fun kpa tɔn ti a la nyɛ nara banaasi ta ni ba kpa kaali Antiɔk. Ba fun la tel doon a lagmi Yesu nitiŋɛ ta maga dɔŋ ni a kpa tɔn ti a nyɛ ba.

Tuma 20:32

“Lalaknɔ mu kpa ma a du Koosa nin ni. O laaboor weri ti chenani o suŋi nara wɛ zi nyɛ ma kpak unu nɛnɛ a gbaari. Wuzu digi o zi wa kpa kin nawara o fun kpa chiŋsiu a nyɛ ba naa maga o fun lisi a nyɛ o titi ni.

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

Tuma 11:20

Yesu nitiŋɛ ba naa funɛ li Saiprus pulum awa Sairini pulum a wa nyɛn Jɛrusalɛm ni, ba gbanko fun pisi a la Antiɔk. Ba waa funɛ biksi Koosa laaboor weri ti ya kunyan Yesu wɛ a nyɛ Ju tim ta awa ba naa vɛ ya Ju tim ni.

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Tuma 11:27

Saha naa Barnabas awa Sɔɔl fun nyɛn Antiɔk ni, Koosa witinsi ta bɔnɛ fun li Jɛrusalɛm a kaali dooni.

Tuma 14:19

O wa fun vusi ka Ju tim ta bɔnɛ li Antiɔk a li Paisidia pulum awa Ikonium a la tel Listira. Ba fun nyaŋi zɛmɛ ta awa ba sɛm ni ka ba wa ba fun kpak Pɔɔl a yaksi un wa buŋkula ni. Ba fun baa di o sowu a lɛrgi un a li tɔhɔn ti ni a ta.

Tuma 14:21

Ba fun la biksi Koosa laaboor weri ti a nyɛ nara ni dooni ka nidamata fun nyɛ ba se su un. Doone ba fun vɛɛn bur a chi chenani ba wa chen a la gali Listira awa Ikonium a la tel Antiɔk a li Paisidia pulum.