Tuma 13:32 - Tampulma

³² Chendaha ya wa bar nɔ zinan. Chenani Koosa fun vɔu a nyɛ ya nawaalsi ta ni chen,

Tuma 13:32 Referans Kwoze

Room 4:13

Koosa funɛ vɔu Abraham awa o bi lulɛ di ba zi wa dɔ tɛɛnɛ nɔ magau, o wa fun vɔu chen Abraham chiksɛ tiŋi daha. O si funɛ su Koosa, chen ni o wa fun koti a bu na o galimsa. Chendaha Koosa fun vɔu chen.

Tuma 26:6

Koosa funɛ vɔu vɔwiu a nyɛ Ju tim ta nawaalsi ta ni saha digi a ŋɔ o zi wa lɛli nisitɛu a li ba sou ni. Mu kpak bambi bɛgimu a li chenani o fun sɛm ba chen ni. Chendaha i di mu sɛria zinan ni.

Room 9:4

Ba waa ya Ju tim ta. Saha digi Koosa fun lisi ba di ba ya o bisa a biksi ba o kpok ti awa o chaani ti kinkan. O wa ba funɛ ya nɔ bɛgim. O gbanko fun kpa o chiksɛ naa nyɛ ba jɛɛmi un nɛnɛ awa o vɔwɛ a nyɛ ba.

Tuma 13:38

Mu niinbisa, mu daŋni ma zimu nɛnɛ di baal nɔ sɔnnɛ ya kpa a biksi ma di Koosa daŋni o gil ma tum tagnau a nyɛ ma.

Room 10:15

Koosa fu vɛ tum nandigi, anti fu zi koti a biksi nara tima o wɛ? Ma zim chenani ba fun sɔbi a li Koosa sɛm tɔn ti ni a ŋɔ, “Ba naa la gba a la mɔɔli Koosa laaboor weri ti, ba waali weru kinkan.”

Tuma 5:42

Wuzu kam ba yaa funɛ zu Koosa bar jɛɛmi dam tiu awa nara damsa di ba biksi nara di Yesu ya naa Koosa fun vɔu di o zi wa tumu wuzu digi chen.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Luk 2:10

amaa malaika ti funɛ ŋɔ bau, “Ma ta ɔmi. Mu kpak laaboor weri naa la zi nyɛ nara maga tusa sɔɔni kinkan a kaa ŋɔ ma.

Luk 1:19

Malaika ti fun ŋɔ un, “N sɔn ya Gabriɛl. N yaa chiŋi Koosa suwachak nɛɛ. Waa ya funɛ tum min di n wa sɛm hin laaboor weri nɔ.

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Tuma 13:23

Koosa funɛ vɔu saha digi di o zi wa tum Devid bi lulɛ ta digiu o lisi Ju tim ta tum tagna a li ba ni. Yesu funɛ ya naa Koosa vɔu di o tum chen.

Tuma 14:15

“Ma ta kɔɔri kɔɔra a nyɛ ya a kijɛɛmi ya. Ya ya nibinsiwa a chi ma. Ya wa bar nɔu di ya wa biksi ma Koosa laaboor weri ti wɛ. Koosa naa nyɛnɛɛ funɛ naami buudaha awa tɛɛnɛ wa teku wa kin naa maga nyɛn a ni. Waa la daŋni ma gil kin nawara ma jɛɛmi a ya yɔri a bur tiŋ un.

Room 1:2

Laaboor weri nɔ ya kin nawara o fun vɔu saha digi chen a fun nyɛ o witinsi ta sɔbi a li o sɛm tɔn ti ni.