Tuma 12:19 - Tampulma

¹⁹ Koor Hɛrɔd funɛ nu Pita wɛ, o fun ŋɔ ba di ba la dɛu un, amaa ba wa fun koti a na un. Doone o fun yir ba naa la il Pita chen di ba ŋɔ un chenani yɛɛ a ŋɔ di ba kpa ba a la kpu. A gantɛl nɛɛ, Hɛrɔd fun li Ju tim ta pulum a kaali Siizaria a la nyɛn doon wuzu bilɛ.

Tuma 12:19 Referans Kwoze

Tuma 16:27

Niili ti fun yɛrsi a na di zɔɔnɔsi ta maga puku. O fun foŋ o chise zen a daŋni o kpu o titi, domi o funɛ lisi di ba naa maga o il chen liu.

Tuma 21:8

Chɔɔsa funɛ wa pisi, ya fun bu zu arŋ ti a li dooni a kaali Siizaria. Ya fun gil arŋ ti a la zu Filip dama a nyɛn o wati. Waa yaa funɛ biksi Koosa laaboor weri ti a nyɛ nara ni. O funɛ ya nara banɔpɛ ta digirɛ Yesu nitiŋɛ ba naa nyɛn Jɛrusalɛm ni fun lisi di o nyini ba malɛ ta.

Tuma 12:6

Ba fun kpa zɔgli a vɔu Pita a kpa bar digi a vɔu lanjimasi ta digi o nindil wati, a fun bu kpa digi a vɔu un a kpa bar digi a vɔu lanjimasi ta digi a li o ningal ni. Lanjimasi ta bɔnɛ ka funɛ il dɛ ti zɔɔnɔ. Dusum digi Pita fun nyɛn lanjimasa lɛ ta bambaan ni a chɔ do. A wuzu ti chɔɔsa funɛ kaa pisi, Hɛrɔd kaa yisi un a di un sɛria nara tima suwachak ni.

Tuma 12:4

Ba fun kpa Pita a la tɔ dɛ a lisi lanjimasa pukpuk bu naasi di ba il un. Ba wuzu zene ta funɛ wa gali, Hɛrɔd funɛ lisi di o zi kpa Pitau a li nara tima suwachak a di un sɛria.

Tuma 8:40

Koosa siim weri ti fun nyɛ Filip kaali tɔhɔn naa ba yir Asdɔd. O funɛ biksi nara Koosa laaboor weri ti wɛ a li tɔsa maga ni hali a la tel tɔhɔn naa ba yir Siizaria.

Mat. 2:13

Ba funɛ kaali, Josɛf fun bukoo na Koosa malaika ti a li o deesi ni. O ŋɔ un, “Koor Hɛrɔd dɛu i be tiu di o kpu un. Si a zer be ti awa o niina a chɔ la Ijipt pulum. Nyɛn doon hali n wa ŋɔ hin di i bur kuwa.”

Tuma 27:42

Lanjimasi ta fun lisi di ba kpu ba naa maga ba il chen, chen ni ba wa zi la tu ni ti a di a chɔ kaali.

Tuma 25:13

Wuzu bilɛ gantɛl ni, koor naa ba yir Agripa awa o haan naa ba yir Bɛrnisi, fun wa Siizaria di ba zaami Fɛstus.

Mat. 2:16

Hɛrɔd funɛ zim di hɔɔra tima mur unu, o fun na paan kinkan. O fun yir o lanjimasa a tum ba di ba la kpu nibabichɛsa ba naa maga vɛ tel bunsa lɛ a nyɛn Bɛtlihɛm awa tɔsa naa maga go un ni. Hɔɔra tima funɛ piin ŋɔ unu saha naa Mɛri lul.

Mat. 2:1

Ba funɛ lul Yesu a li tɔhɔn naa ba yir Bɛtlihɛm a li Judia pulum ni. Chen saha ti koor digi funɛ nyɛn doon a dɔ dooni. Ba funɛ yir un Hɛrɔd. Nara ba naa funɛ zim wula ta mun wɛ, ba waa funɛ wa Jɛrusalɛm a li nha bar yɛli ni.

Tuma 12:18

Chɔɔsa funɛ wa pisi, lanjimasa ba naa funɛ il Pita dɛ ti ni chen, tusa fun buri kinkan. Ba fun ŋɔ dɔŋ ni, “Leene o zi kaali nan?”