Tait. 3:5 - Tampulma

⁵ o fun yisi ya a li ya tum tagna ni yaa tiŋ un. O wa fun ya chen ya titi tum were daharɛ, amaa o ka funɛ ɔm ya sikirɛ. O fun kpa o siim weri a du ya ni, di o chaksi ya tum tagna a li ya ni a kpa o mi fali ti a nyɛ ya.

Tait. 3:5 Referans Kwoze

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Ɛfɛ. 2:4

Amaa Koosa daŋni ya kinkan a kpak ya siki hali a kaali a maga,

Ɛfɛ. 5:26

O chi o funɛ kpa nire a chaksi ba a fiisi ba wa Koosa sɛm ni, chen ni ba zi kotiu a tum tum were a nyɛ un.

Room 11:6

O funɛ yisi ba o siki daharɛ. O wa fun yisi ba ba tum were daharɛ. O yisi nara ba tum were daha, o wa fun koti a kpak ba siki.

Ju 4:16

Domi ya Koosa dam kɔkɔɔr ti chiŋɛ ya bar chiŋi ni Koosa suwachak ni, ma nyɛ ya kpak bambi. Koosa zi wa kpak ya sikiu a kisuŋi ya saha naa maga ya daŋni un.

Kɔl. 3:10

Lalaknɔwa ma kpak ma suwachak tuhu kin a naa Koosa fun kpa a nyɛ ma. A chi o titi kinawa. Waa la kɔɔri a saha maga, chen ni ma zi kotiu a zim un hali o wa peti.

Gal. 2:16

Ya zimu di nar tiŋ Koosa chiksɛ ta duŋduŋ, chen tiina ha zi vɛɛn kpak galimsau o wati, amaa nar nyɛ o si su Yesu Kristo, Koosa wa zi bu na o galimsa. Ya se su Yesu Kristo. Ya wara tiŋ Koosa chiksɛ ta duŋduŋ. Chendaha o wa bu na ya galimsa.

Room 3:20

O chiksɛ ta biksi ya di ya maga ya tum tagna nitumɛwa. Koosa ha zi vɛɛn na ya galimsau o chiksɛ ta tiŋi daha.

1 Pita 2:10

Saha digi o wa fun dɔ ma, amaa lalaknɔ o dɔ mau. O wa fun a ɔm ma siki saha digi, amaa ma la unu lalaknɔ.

Ɛfɛ. 4:23

O lawa ma nyɛ Koosa kpa ma bambe liseu a burgi a kifalɛ a gbaari.

Room 3:28

Ya kpak bambiu di nibine se su Kristo, Koosa wa na o galimsa. Chen tiina tiŋ o chiksɛ ta duŋduŋ, Koosa wa zi koti a ya chen.

Room 9:11

Amaa Koosa funɛ te ŋɔ unu leusisi ta wɛu ka o zi lul. O fun ŋɔ un, “Nihɛɛ zi wa tiŋ bichɛla nɔu.” Bichɛsa ha wa tum tum were koo tum tagna, amaa Koosa funɛ ŋɔ ba wɛu, chen ni ya zim di o yisi narawa a nyɛ o titi ni, o wa yisi ba ba tuma daharɛ.

Luk 1:78

Ya kunyan Koosa ya jɛrgi tiina a kpak ya siki. Chenani o daŋni o yisi ya a li ya tum tagna ni chi nha yaa yɛli chene.

Luk 1:54

O fun a tum chenani o vɔu a nyɛ ya nawaalsi ni saha digi. O fun wa suŋi o be Israɛl,

Luk 1:50

O ɔm sikirɛ a nyɛ ba naa maga la nyɛ un jirima, tɛɛnɛ nɔ maga piili ti ni hali wa zinan.

Tait. 3:4

Koosa naa weree a la daŋni ya, fun wa pu ya,

Room 9:30

Tɔ. Yɛrɛ ya zi sɛm? Ba naa vɛ ya Ju tima wa funɛ dɛu di Koosa wa zi bu na ba galimsa o wati. Amaa ba se funɛ su un. Chendaha o fun ya chen.

Room 9:16

Koosa wa fun yisi nara a nyɛ o titi ni a li ba daŋni ni koo ba tuma ni, amaa o funɛ yisi bau a li ba siki daha.

Room 4:5

Nibine nyɛ o si su Koosa a vɛ nyini o tum weri se ni, Koosa wa zi bu na o galimsa. Waa koti a bu vɛ na tum tagna nitumɛ galimsa.

Luk 1:72

Ba gbanko fun ŋɔ di o zi ɔm ya nawaalsa sikiu a ta suglɛ chenani o wa ba ya nɔ bɛgim chen.

Ju 6:6

O funɛ ya nan magwa a nyɛ ba ka ba bur o tiŋi ni. O chi ba funɛ kpaasi Koosa be ti a mari o daakakli ti chene a nyɛ nara bu na o hiisa gbampulim ni. Chendaha ba vɛ koti a gil ba tum tagna bilɛ tiina.

Mat. 3:11

N kpa nire a chaksi ma bara a biksi nara di ma gil ma tum tagna. Naa nyɛn n gantɛl ni aa wa, o ka zi wa kpa Koosa siim weri a du ma ni a chaasi ma a chi din zaamsɛ salma. Waa ya nihɛɛ a kaali min. N kpurɛu di mu fiisi o natausa a nyɛ un.

Room 11:14

Nan daha, amii mu titi nara bɔnɛ kpak ma handɔtau, chen ni Koosa zi koti a yisi bau a li ba tum tagna ni.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.