Tait. 3:14 - Tampulma

¹⁴ Kibiksi i nara ba se sɛri baa tum tum were, chen ni ba zi koti a suŋi ba naa la daŋni suŋi wuti niu. Ba ta ya nibin yɔrisa.

Tait. 3:14 Referans Kwoze

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Mat. 7:19

Bugil naa vɛ nɔn nɔn were, ba yaa teŋ unu a dau a suk din du un ni.

2 Pita 1:8

Ma tum tum were nama a gbaari, a zi nyɛ chenani ma zim ya kunyan Yesu Kristo bukoo zenu a gbaari.

Filip. Tima 4:17

Mu wara daŋni ma papaha duŋduŋnɛ. Mu daŋni chenani ma zi ya a sɔɔni Koosa tuharɛ.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 15:8

Chenani maa tum tum were a nyɛ min a gbaari la zi biksi nara di ma ya mu gantɛl tiŋsiwa. Doone ba zi bur a nyɛ mu nyan ti wa jirima kinkan.

2 Tɛs. 3:8

Ya ka funɛ tum nha wa dusumu kinkan, chen ni ya zi diu a li ya bara wilim ni. Ya wa fun a daŋni di ma suŋi ya wa diwe ni. Kin naa maga ma yaa fun a nyɛ ya, ya yaa bɔ a nyuuniu.

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Mat. 21:19

Ba funɛ la chene, o fun na bugil naa ba yir ‘fig’ ka o chiŋi nyinbaan nɔ ni. O fun kaali o mun a daŋni o di o nɔna. O ka wa fun na kundɔŋ. Kpachak duŋduŋnɛ o fun kpak. Yesu fun ŋɔ bugil ti ni, “Nandigi wa zi bu di i nɔna zinan wuzu nɔ kpa la saha maga.” Bugil ti kpachaga fun vaan loori ka o sou.

Tuma 18:3

Pɔɔl fun la nyɛn ba dam ni, domi o wa Akwila funɛ ya sela tɔna nikɔɔrɛwa.

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

Room 15:28

Mu wa tel dooni a kpa kina nama a nyɛ ba peti, mu zi la Speenu a la zaami ma nyinbaan ni.

Room 12:13

Maa suŋi Koosa nara ba naa vɛ kpak kina, a la hɔɔra a du ma damsi ni.

Filip. Tima 4:16

Mu funɛ nyɛn Tɛsalɔnika ni a daŋni kina, wuzu bilɛ bambaan ni ma fun kpa papaha a wa nyɛ min.

Tait. 2:8

Kpa wuti sɛma aa biksi ba, chen ni i dɔma wa zi koti a ŋɔ di i tum galimsau. I sɛm chen, hiisa zi kpak bau.