Tait. 1:6 - Tampulma

⁶ O lawa nihɛɛ kpak sɔn weri wa nara niu a kpak nihaan bɛgim duŋduŋ a kpak bisa ba naa se su Koosa. Ba ta chɔk o malɛ aa kitiŋ o nɔ.

Tait. 1:6 Referans Kwoze

1 Tim. 3:12

Nisuŋi lawa o kpak nihaan bɛgim duŋduŋnɛ a kinyini o bisa awa o walɛ nɛnɛ.

Tait. 1:10

Nibin damata vɛ tiŋ Koosa nɔ a kpa ba sɛm yɔrisa a la mur ba dɔŋtima. Ju tima ba naa ŋɔ di ba se su Yesu, bɔnɛ la ya chen a kaali ba maga.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

Luk 1:5

Baal digi funɛ nyɛn doon. Ba yir un Zɛkaraya. O funɛ ya Koosa dam kɔkɔɔrsa nidigirɛ. O funɛ ya kɔkɔɔrsi ta digi walɛrɛ. Ba funɛ yir un Abia. O haan sɔn funɛ ya Ɛlizabɛt. O nyana gbanko funɛ ya kɔkɔɔrrɛ. Saha naa ba fun nyɛn chen, koor digi funɛ nyɛn doon a dɔ Judia pulum. O sɔn funɛ ya Hɛrɔd.

1 Tim. 1:9

Koosa wa fun nyɛ o chiksɛ ta nibin were daharɛ. O fun kpa a a nyɛ ba naa vɛ tiŋ a, a vɛ tiŋ Koosa nɔ a vɛ daŋni ba zim un a la tum tum tagna a kpu nara hali ba nyama awa ba numa,