Tait. 1:3 - Tampulma

³ O biksi ti funɛ sogliu. Saha naa o fun lisi, Koosa fun kpa un a li gbampulim a nyɛ o ya o laaboor weri ti. Koosa naa la yisi nara a li ba tum tagna ni, o funɛ kpa unu a du min di mu biksi nara o wɛ.

Tait. 1:3 Referans Kwoze

1 Tim. 1:11

Koosa naa zen kinkan a wer hali o wa peti, funɛ kpa o wuti biksi nɔ a du mu nin nee di mu kpa nyɛ nara ni. Waa ya o laaboor weri ti.

1 Tim. 1:1

Min waa, Pɔɔl, la sɔbi tɔn nɔ. Koosa naa funɛ yisi ya a li ya tum tagna ni di yaa tiŋ un, awa Yesu Kristo naa nyɛ ya kpak bambi bɛgim un ni, ba funɛ ŋɔu di mu ya Yesu Kristo nitumi.

Tait. 2:10

akoo a ŋmɛ ba kina. O lawa baa tum tum wereu a nyɛ ba a ya wuti tima, chen ni ya Koosa naa funɛ yisi ya a li ya wu tagna ni, biksi ti zi kpak sɔn weriu.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

1 Tim. 2:3

Ya tum chen maga, o zi sɔɔni Koosa tuhau,

1 Tɛs. 2:4

Ya sɛm sɛm naa Koosa daŋni ya sɛmnɛ domi waa funɛ lisi ya. Waa funɛ kpa o laaboor weri ti a du ya nisi ni, chen ni ya zi kotiu a biksi nara. Ya wara daŋni di nibinsa tusiwa sɔɔni, amaa ya daŋni Koosa tuhurɛ sɔɔni. O zim chenani ya bambe lisi duu.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

Ɛfɛ. 2:17

Yesu Kristo funɛ wa, o fun biksi nara Koosa laaboor weri naa nyɛ nibinsa kpak bara sɔɔna wɛ. O fun biksi Ju tima ba naa funɛ piin zim un. Ma naa vɛ ya Ju tima wa fun zim Koosa, Yesu Kristo funɛ biksi ma chen gbankou.

Gal. 4:4

Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.

1 Kɔr. 9:17

O fu ya mu titi tutɔrɛ mu biksi nan, o fu deŋlu wa mu la nyɔɔra a niu. Amaa Koosa funɛ kpa o laaboor weri ti a du mu nin ni a ŋɔ di mu kpa un aa nyɛ nara ni. Adaha mu laata kpa mu titi aa tum nan ni.

Filip. Tima 1:13

Koor nyuhu tiina Siiza lanjimasa ba naa maga la il min awa nidamata a nyɛn bar nɔ, zimu di ba funɛ tɔ min dɛrɛ muu tiŋ Kristo daha.

Room 16:26

a zi kpa un a li gbampulim a nyɛ o witinsi ta ni ba sɔbi o wɛ. Koosa naa nyɛnɛɛ hali saha naa vɛ kpak bɔ, ŋɔu lalaknɔ di ya kpa un a la biksi ba naa maga vɛ ya Ju tima, chen ni ba zi na nyinbaanu a nyɛ ba se su Koosa a tiŋ o nɔ.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

Room 5:6

Saha digi ya wa fun koti a suŋi ya titi. Koosa saha wa tel, Kristo fun wa chiŋi tum tagna nitumɛ bar chiŋi ni a sou a nyɛ ya.

Tuma 17:26

Koosa funɛ te naami nibaal bɛgimnɛ. O tuhu nɛɛ nibinsa maga li a purigi a pisi a su tɛɛnɛ nɔ maga. O fun te lisi ba bar nyɛni wɛ awa saha naa ba zi li dooni a zi naami ba.

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Luk 1:47

Waa funɛ yisi min a li mu tum tagna ni di mu tiŋ un. Chendaha mu tuha sɔɔni.

Maak 16:15

O funɛ nyɛn ba wati chene, o fun ŋɔ ba, “Ma si aa la tɔsa naa maga nyɛn tɛɛnɛ nɔ ni a la sɛm Koosa laaboor weri ti a nyɛ nara maga ni.

Maak 13:10

Tɛɛnɛ nɔ maga nara zi wa te nu Koosa laaboor weri wɛu ka kin naa maga zi ya.

JɔnN Deesi 14:16

Doone Yesu naa funɛ kani dobaal ti ni chen fun viigi o gorga a kum tɛɛnɛ nɔ maga kina.

Ɛfɛ. 1:10

Saha naa o fun lisi chen wa tel, o zi lagmi kin nawara maga o fun a naamiu, buudaha kina awa tɛɛnɛ nɔ maga kina, a nyɛ Yesu Kristo di a maga koora.

Maak 1:15

a fun ŋɔ ba, “Saha teliu wa Koosa koora dugli. Ma gil ma tum tagna a nyɛ ma se su o laaboor weri ti, chen ni o zi dɔ mau.”

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.