Tait. 1:12 - Tampulma

¹² Ba sɛmbiri witinsi ta digi a li Krit ni funɛ ŋɔ saha digi, “Krit tima ya nusun timwa saha maga. Ba chi sel tagna a naa ya pumpo tima a kpak zanyɛrkarɛ.”

Tait. 1:12 Referans Kwoze

1 Tim. 4:2

Biksi nɔ li nusun tima ba naa la daŋni ba mur nara nɛɛ. O bak ka wu bu to wu were koo wa tagna ni.

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

Tuma 17:28

Nandigi funɛ sɔbi chen wɛ saha digi a ŋɔ, ‘Koosa kpa o kpok ti a du ya ni, chen ni ya zi koti nyɛnu.’ Ma walɛ ta digi funɛ sɔbi a ŋɔ di, ‘Ya ya o bisiwa.’

2 Pita 2:15

Ba vɛu di ba wa zi tiŋ Koosa wuti nyinbaan ti a vɛ zim doonani ba laali. Ba chi Belam, Bɔsɔ be, naa funɛ nyɛn saha digirɛ, a la daŋni malɛ naa o na a li o tum tagna daha.

2 Pita 2:12

Amaa nara nama chi sela zenewa a naa nyɛn dooni nara zi kpaksi a kpu. A wara lisi a chi nibinsa. Kin nawara ba vɛ zim a munwa, ba pini. Chendaha Koosa gbanko zi chɔk bau a chi sel na chɔk chen.

Tuma 2:11

Ya bɔnɛ ka ya Krit tima awa Arab tima. Ya sɛm sɛm kurgɛwa, amaa ya nuu ka ba ŋɔ ya a li ya titi sɛma ni chenani Koosa fun tum alaazibu tuma.”

Tuma 27:7

Ya fun li dooni a val tama wuzu bilɛ, domi pehe ti wa funɛ suŋi ya. Chendaha o funɛ bɔm ya niu di ya la dugli tɔhɔn naa ba yir Sinidus. Ya wa fun bu koti a la suwachak tama a burgi a la gali Krit pulum zuuli bar digi doonani ba yir Salmone.

Tuma 27:12

Fufuk saha funɛ dugliu. Doonani arŋ ti fun chiŋi chen wa fun wer di fufuk saha wa pu un dooni. Niduse ta nidamata funɛ daŋni ba li doon a kpaŋi a tel tɔhɔn naa ba yir Finiks chen. O funɛ chem nha bar chelire. Doon funɛ ya bar weri di arŋsa chem fufuk saha.

Tuma 27:13

Wuzu digi peha naa vɛ kpoki fun ya a li pul mun. Niduse ta fun lisi di ba si awa arŋ ti ni a la a lisi lugɛ yuga naa kpak arŋ ti o vɛ laali a li ni ti ni. Ya fun si dooni a val a dugli Krit pulum ni nɔ.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

Tait. 1:5

Mu funɛ gil hin Krit ni, i kpalimi dooni a kɔɔri Yesu nitiŋɛ kina a lisi nihɛɛta a li doonani maga baa lagmi. Lisi chenani mu fun ŋɔ hin.