Room 9:5 - Tampulma

⁵ Ba waa ya Abraham awa Aizik awa Jakɔb bi lulɛ. Ba waa funɛ lul Kristo. O gbanko ya Koosa a dɔ kina maga. Ma nyɛ ya pɛgi un hali saha naa vɛ kpak bɔ. Ami.

Room 9:5 Referans Kwoze

Room 1:25

Ba fun a piŋi Koosa wuti a la nusuna a la nyɛ kin nawara o fun naami jirima a kaali o titi naa naami a. Ma nyɛ ya pɛgi un hali saha naa vɛ kpak bɔ. Ami.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

Jɔn 10:30

Mu wa mu nyan ti ya nibɛgimnɛ.”

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Room 1:3

O ya o be wɛwa. Waa ya ya kunyana Yesu Kristo. O ya koor hɛɛ Devid be lulirɛ,

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 22:16

“Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”

2 Kɔr. 11:31

Koosa naa ya ya kunyan Yesu nyana, zimu di mu wa ya nusun tiina. Ma nyɛ ya pɛgi un hali saha naa vɛ kpak bɔ.

Room 11:28

Lalaknɔ Ju tim ta vɛu di ba wa zi nu Koosa laaboor weri ti a ya o dɔma. Nan nyɛ ma nyinbaan di ma tiŋ Koosa. Amaa saha digi o funɛ lisi bau a nyɛ o titi ni. Chendaha o zi wa kpak ba siki ba naa dɔ ba zɔɔnɔ daha.

Room 10:12

Koosa wara daŋni bɔnɛ a ka bɔnɛ. Ba naa ya Ju tima awa ba naa vɛ ya Ju tima, ba maga ya kibɛgimnɛ o wati. Ba maga kunyana yaa nu a la suŋi ba naa la yir o sɔn kinkan.

JɔnN Deesi 22:20

Naa chiŋɛ mu sɛm na gantɛl ni ŋɔɛɛ di, “Wuti o wa zi vusi ka mu bur wa.” Nyɛ o ya a chi chenani i ŋɔ chen. Ya kunyana, bur kuwa.

2 Tim. 2:8

Kilisi Yesu Kristo naa funɛ ya koor Devid lul be, a si a li o sou ni. Mu yaa ŋɔ nara niu Koosa laaboor weri ti wɛ, o wɛwa mu yaa ŋɔ ba.

1 Tim. 6:15

Koosa naa zenee a dɔ kina maga a ya koorsa maga kaŋkoora, waa la zi tum un saha naa o daŋni.

1 Kɔr. 14:16

Ma vɛ ya chen, a la zaami Koosa awa ma siima duŋduŋ ni, yɛrɛ nara kaa ya a la nɔɔni a ŋɔ ami. Ba wa zim chenani maa zaami chen.

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

JɔnN Deesi 5:14

A funɛ lɔ a bool ti peti, sela naasi ta fun ŋɔ, “Ami,” ka nihɛɛti ta fun si a pimi tɛɛnɛ ni a jɛɛmi ba.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Tuma 3:13

Koosa naa ma nawaalsa Abraham, Aizik awa Jakɔb funɛ jɛɛmi, kpa o jirima awa o chaani kinkan a nyɛ o tumtumna Yesu ni. Ma funɛ kpak unu a du gɔbnati nyuhu tiina naa ba yir Pailɔt nin ni. Pailɔt funɛ kpa un wa li ma suwachak a daŋni o gil un o la, ma fun vɛ.

Ju 7:24

Yesu ka ya ya Koosa dam kɔkɔɔra hali saha naa vɛ kpak bɔ. Nandigi wa kuwa chiŋi o bar chiŋi ni.

Luk 20:44

Devid titi funɛ yir un o kunyana chen ni, yɛrɛ o bu kaa ya a zen a kaali un?”