Room 8:36 - Tampulma

³⁶ Ba fun sɔbi a li Koosa sɛm tɔn ti ni a ŋɔ, “Ya nyɛn sou bar nyɛni nɛɛ saha maga ma daha. Ya chi piisisiwa a naa ba yaa lisi di ba kɔrigirɛ.”

Room 8:36 Referans Kwoze

1 Kɔr. 15:30

Nisitɛ ta vɛ si ba sou ni, yɛrɛ ya gbanko nyɛn bar tagna ni saha maga?

1 Kɔr. 4:9

Mu wati Koosa nyɛ o nitumɛ ta tiŋ gantɛl, a chi ba naa ba funɛ di ba sou sɛria. Tɛɛnɛ nɔ tim maga awa Koosa malaikasa nyini ya a chi ya ya nibin tagniwa.

Tuma 8:32

Nannɛ o funɛ karimi, “O funɛ chi piisire ba kpa un a kɔrigi. O gbanko funɛ chi piisi be naa ba ka funi o pusa ka o vɛ chɛɛmirɛ. O yaa fun mooriu.

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Jɔn 16:2

Ju tim ta zi wa duŋni mau a li ba bar lagmi dɛɛni ta ni. Hali saha zi wa wau, ba naa kpu ma lisi di ba tiŋ Koosa tutɔrɛ.

1 Kɔr. 15:31

Mu niinbisa, mu hɛɛsɛ ma naa la tiŋ ya kunyan Yesu Kristo a ya mu jirima nara, muu zu sou bar nyɛni nɛɛ wuzu kam.

2 Kɔr. 1:9

O chi ba funɛ di ya sou sɛriau. Koosa funɛ nyɛ kin nama ya yau, chen ni o zi biksi yau di ya ta nyini ya titi se ni, amaa ya nyini o waa naa lɛlɛ nara a li ba sou ni se ni saha maga.

2 Kɔr. 6:9

Ya wa ya nibin zene, amaa nara maga zim ya wɛu. Ya chi nibin sitɛwa, amaa ya ka ha vɛɛn kpak miisau. Ba nyɛ ya na namsiu kinkan, amaa ba ha wa kpu ya.

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

Filip. Tima 3:10

Mu daŋni mu zim Kristo duŋduŋnɛ nɛnɛ a kpak kpok naa Koosa fun kpa a lɛli Kristo a li o sou ni chene. Mu vɛɛna daŋniu mu namsi a sou a chi un, chen ni Koosa zi lɛli minu a li mu sou ni mu nyɛn o wati.