Room 8:29 - Tampulma

²⁹ Koosa funɛ daŋni o bere ya nihɛɛ a li nibin damata ba naa chi un ni. Saha digi o piin zim bau a lisi ba di ba chi o be.

Room 8:29 Referans Kwoze

Ɛfɛ. 1:11

Koosa tiŋ o tutɔrɛ a li o tum maga ni. O fun te lisi ya a nyɛ o titi ni, a zi naami tɛɛnɛ nɔ maga, chen ni ya wa Yesu Kristo zi ya nibɛgimu.

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

1 Pita 1:20

O funɛ te lisi Kristore a zi naami tɛɛnɛ nɔ maga. Tɛɛnɛ nɔ maga siili saha wa dugli, Koosa fun tum un di waa tum nan a nyɛ ma.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

2 Tim. 2:19

Amaa Koosa laaboor weri ti chi dam zɛchikrɛ. O kpoku kinkan. Chendaha nandigi wa kiziigi un. O funɛ sɔbiu a sak zɛchik ti ni, “Ya kunyan ti zim ba naa o dɔu.” O gbanko funɛ sɔbiu a sak, O gbanko funɛ sɔbiu a sak, “Ba naa maga ŋɔɛɛ di ya kunyan ti dɔ ba, ba gil ba tum tagna aa tiŋ un.”

1 Kɔr. 2:7

Ya ka biksi ma Koosa zima ti wɛwa. O funɛ te lisi unu ya jirima daha a zi naami tɛɛnɛ nɔ maga. Hali saha nɔ Koosa ha vɛɛna sogli unu a li nibinsi ni.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

1 Kɔr. 15:49

Lalaknɔ ya chi Adam naa Koosa fun kpa hɛɛra a naamirɛ, amaa ya zi wa chi Kristo naa funɛ li Koosa tɔhɔn ti ni chenu.

Room 9:23

O gbanko funɛ daŋni o biksi ba naa o kpak siki o jirima awa o chaani kinkan. Saha digi o funɛ saksi bau di ba la nyɛn o tɔhɔn ti ni a la un.

1 Jɔn 3:2

Mu bi daŋnɛ, ya ya Koosa bisawa lalaknɔ. Chenani ya zi wa du wuzu digi, Koosa ha wa biksi ya. Amaa Yesu wa bur wa, ya zi wa du a chi unu. Ya se zi wa na unu wuzu digi a chi chenani o du chen.

2 Kɔr. 3:18

Ya naa ya Yesu nitiŋɛ ta, ya se wa tɔ. A chi diga naa la nyiksirɛ ya kunyan ti jirima awa o chaani kinkan. O siim weri ti tum ya bambe nee a chɛrgi ya di ya chi un a gbaari.

Room 11:2

Koosa wa koti a vɛ ba naa o fun lisi o piili ni a nyɛ o titi ni. Ma wa zim chenani ba fun sɔbi Koosa witiina Ɛlaija wɛ a li Koosa sɛm tɔn ti ni chenn? O funɛ sumi Koosau a fiksi Ju tim ta ba tum tagna daha.

Jɔn 17:16

Ba wa tɛɛnɛ nɔ tim maga wa bu ya nibɛgim a chi chenani mu wa tɛɛnɛ nɔ tim maga wa ya nibɛgim.

Filip. Tima 3:21

O wa wa, o zi chɛrgi ya barau a naa vɛ kpoki a kɔɔri a a chi o titi bara naa kpak kpok awa chaani kinkan. O kpok nɔ gbanko zi nyɛ o lagmi kina magau a dɔ a.

Ɛfɛ. 4:24

Ma suwachak tuha wɛ a naa Koosa fun kpa a nyɛ ma, a waa la zi nyɛ ma wa chi un. Koosa ya wuti tiina awa tu chaan tiina a la tum tum were saha maga.

Mat. 12:50

Ba naa maga la tum chenani mu kunyana Koosa naa nyɛn o tɔhɔn ti ni daŋni ba tum, ba waa ya mu numa awa mu niinbisa.”

Jɔn 17:26

Mu funɛ biksi ba chenani i bambi duu a ha vɛ peti. Mu zi nyɛn ba bambe niu a suŋi ba baa daŋni nara a chi chenani ii daŋni min.”

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

Mat. 7:23

Ba sɛm nan peti, n zi ŋɔ bau, ‘N wa kut zim ma. Ma naa la tum tum tagna nan, ma la a ka min.’ ”

Jɔn 20:17

Yesu fun ŋɔ un, “Ta gbaŋsi min, domi mu saksiu di mu bur kila mu nyan ti wati. Kila mu gantɛl tiŋsi ta wati a la ŋɔ ba di o wa zi vusi ka mu bur la mu kunyan Koosa ti wati. Mu kunyan Koosa ti awa ma kunyan Koosa ti ya nibɛgimnɛ.”

Jɔn 17:19

Mu lisɛ mu titiu a li ba ni di mu tiŋ i tutɔ a sou a nyɛ ba, chen ni ba zi kotiu a tiŋ i wuti nyinbaan a ta bur la lagmi tɛɛnɛ nɔ tim maga ni.

Mat. 25:40

Mu zi ŋɔ bau, ‘Wutirɛ n ŋɔ ma, chen naa maga ma fun ya a nyɛ mu gantɛl tiŋsi ta ni hali ba bichɛl tiin ni, mu nɛɛ ma tum nyɛ chen.’

Mat. 28:10

Yesu fun ŋɔ ba, “Ma ta ɔmi. Ma la ŋɔ mu gantɛl tiŋsi ta ni di ba wa pu min Galili ni.”

1 Kɔr. 8:3

amaa nar la daŋni Koosa, warɛ Koosa zim.

Kɔl. 3:10

Lalaknɔwa ma kpak ma suwachak tuhu kin a naa Koosa fun kpa a nyɛ ma. A chi o titi kinawa. Waa la kɔɔri a saha maga, chen ni ma zi kotiu a zim un hali o wa peti.