Room 8:15 - Tampulma

¹⁵ Koosa siim weri ti wa fun nyɛ ya burgi o yosa di ya ɔm un. O ka funɛ nyɛ ya burgi Koosa bisiwa, chen ni ya koti a yir Koosa ya kunyana.

Room 8:15 Referans Kwoze

2 Tim. 1:7

Siim weri naa Koosa fun kpa nyɛ ya chen, o wa nyɛ ya ɔm wa bambi kpaki ni, amaa o nyɛ ya o kpok ti, chen ni ya zi kotiu a daŋni nara a ya bambi tima.

1 Kɔr. 2:12

Ya wara tiŋ nibinsa zimirɛ. Koosa funɛ zer o siim weri ti a du ya bambe ni, chen ni ya zi kotiu a zim o siim weri papaha naa o fun kpa nyɛ ya.

Room 8:16

O siim weri ti ya ya sɛhɛra tiina a li ya bambe ni di ya ya Koosa bisiwa.

Ju 2:15

a yisi ba naa la ɔm sou a li un ni nidamatau a ta. Ba funɛ chi yosiwa ba ɔmi ti daha.

Ɛfɛ. 1:5

Domi o la daŋni ya daha, o fun piin ya o tutɔ chen saha ti o nyɛ ya burgi o bisa Yesu Kristo daha. Chen nyɛ o tuha sɔɔni kinkan.

1 Jɔn 4:18

Nandigi daŋni ya hali o wa peti, ya wa zi ɔm chenani o zi wa ya ya. Ya ɔm un, chen biksi di ya se wa su di o daŋni yau hali o wa peti.

Maak 14:36

O fun bu sumi, “Mu kunyana, hin koti a ya kina maga. Chendaha muu sumi hin di i lisi namsi nɔ a li min ni. Nyɛ i tutɔ ti ya a kaali mu tutɔ.”

Room 8:23

A duŋduŋ laata. Ya naa piin kpak o siim weri ti nyɛn ya ni, ya gbanko namsiu a pɔ a la saha naa Koosa zi wa ŋɔ gbampulim niu di ya ya o bisiwa. Chen saha ti o zi wa lɛli ya barau a li a sou ni.

Luk 11:2

Yesu fun ŋɔ ba, “Nan nyinbaan nɔ wa ma zi sumi Koosa, ‘Ya kunyan Koosa, ya daŋni i sɔn naa la chaani chiŋiu. Ya daŋni i wa dɔ narawa.

Jɔn 20:17

Yesu fun ŋɔ un, “Ta gbaŋsi min, domi mu saksiu di mu bur kila mu nyan ti wati. Kila mu gantɛl tiŋsi ta wati a la ŋɔ ba di o wa zi vusi ka mu bur la mu kunyan Koosa ti wati. Mu kunyan Koosa ti awa ma kunyan Koosa ti ya nibɛgimnɛ.”

Luk 22:42

“Mu kunyana, mu sumi hinu, lisi namsi nɔ a li mu nin ni. Nyɛ i tutɔ ti ya a kaali mu tutɔ.”

Jɔn 16:8

O wa wa, o zi nyɛ tɛɛnɛ nɔ tim maga zim di ba tum tum tagnau. O zi wa biksi ba di Koosa daŋni ba deŋliu o suwachak ni, chen ni o wa zi bu na ba galimsa.

Tuma 16:29

Niili ti fun ŋɔ di ba kpa fitin kuwa a chɔ a la gbiri Pɔɔl awa Sailas suwachak ni. Hansura fun kpak un kinkan o bara jigiri.

Tuma 2:37

Pita sɛm ta funɛ zu zɛmɛ ta bambe niu kinkan. Ba fun ŋɔ un awa nitumɛ ba naa funɛ nyɛn dooni chen, “Ya dɔŋtima, yɛrɛ ya kaa ya?”

Luk 8:37

Ba funɛ nu ba sɛm chen, hansura fun kpak ba maga kinkan. Ba fun wa sumi Yesu di o li ba pulum ni. Saha naa o fun si a la zu arŋ ti chen,

Luk 8:28

Nara yaa fun kpa zɔglɛ a vɔti o naŋgere awa o nisa hali ba wa ku, amaa alizin tagni ta yaa fun siu a kasi a maga a duŋni un o kaali nyabaan. Yesu funɛ wa li arŋ ti ni, baal ti fun chɔ a wa gbiri o suwachak ni a zaami un. Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “Baŋnɛ ii daŋni n wati, i waa Yesu, Koosa zen be? Kinyini Koosa a gil mu muksi.”

Jems 2:19

Ma la nɔɔni di Koosa bɛgim nyɛnɛɛ. Chen deŋlu. Alizin tagna gbanko la nɔɔni di Koosa bɛgim nyɛnɛɛ. Chendaha ba ɔm a la jigiri.

Room 8:26

Ya wa kpak kpok a la zi zim chenani ya zi sumi Koosa, amaa o siim weri ti yaa suŋi yau di ya sumi un. O sumi ya daha, o chi o pɛmu ka o sɛm kaali chenani sɛm.

Room 9:4

Ba waa ya Ju tim ta. Saha digi Koosa fun lisi ba di ba ya o bisa a biksi ba o kpok ti awa o chaani ti kinkan. O wa ba funɛ ya nɔ bɛgim. O gbanko fun kpa o chiksɛ naa nyɛ ba jɛɛmi un nɛnɛ awa o vɔwɛ a nyɛ ba.

2 Kɔr. 11:4

Ma bɔnɛ la nu ba naa vɛ tiŋ ya wuti biksi Yesu wɛ. Ba funɛ chɛrgi Koosa laaboor weri tiu a biksi ma siim naa vɛ ya Koosa siim weri ti wɛ. Ma funɛ la nɔɔniu ka o vɛ bɔm ma wati.

Gal. 2:4

Nara ba naa funɛ ŋɔ di ba ya Yesu nitiŋɛwa, bɔnɛ funɛ daŋni di ba teŋ un, amaa ba funɛ suniu. Ba fun a sogli a zu di ba na chenani ya tiŋ Yesu a ta nyɛ ba teŋsi ya, domi ya wa Yesu Kristo ya nibɛgimnɛ. Ba daŋni ya burgi ba yosiwa.

Gal. 5:1

Kristo funɛ lisi yau a li yosi ni. Maa kpak chen nɛnɛ, a ta bu nyɛ nara kpak ma a ya yosa.

Mat. 25:25

I funɛ kpa i malɛ ta a nyɛ min chen, hansura fun kpak min. N fun kaali a la hur bɔ a kpa a a sogli dooni. Kina, i malɛ ta nɛɛnɛ mu wati bar nɔ.’