Room 7:24 - Tampulma

²⁴ Ei. Muksi fun wa pu min kinkan. Anti la zi koti a yisi min a li mu bara kpok naa nyɛ Koosa na mu galimsa nii?

Room 7:24 Referans Kwoze

Room 6:6

Ya zimu di o chi ya gantɛl tuha kina a naa yaa tum tum tagna, wa un funɛ sou a li o daakakli ti ni, chen ni a wa zi bu kpak kpok a dɔ ya.

2 Tim. 4:18

O gbanko zi lisi minu a li tum tagin naa maga nibinsa zi wa tum a du min ni a nyɛ mu zu o koor naa nyɛn Koosa tɔhɔn ti ni. O la jirima kinkan hali saha naa vɛ kpak bɔ. Ami.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

JɔnN Deesi 21:4

O zi fiisi ba sine magau a ta a li ba se ni. Sou awa namsi wa bara wiha wa zi bu nyɛn. Chenani o fun te du wa bu toli.”

Ju 2:15

a yisi ba naa la ɔm sou a li un ni nidamatau a ta. Ba funɛ chi yosiwa ba ɔmi ti daha.

Room 8:26

Ya wa kpak kpok a la zi zim chenani ya zi sumi Koosa, amaa o siim weri ti yaa suŋi yau di ya sumi un. O sumi ya daha, o chi o pɛmu ka o sɛm kaali chenani sɛm.

Room 8:13

Yaa tiŋ ya bara kina, Koosa zi wa ta ya yɔriu. Amaa ma ka vɛ ma bara tum tagna tiŋi Koosa siim weri ti kpok daha, ma zi kpak o miisa naa vɛ kpak bɔu.

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Kɔl. 2:11

Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

Mat. 5:6

Ba naa yaa kpak un ba bambe ni di ba tum chenani Koosa daŋni di ba tum, o zi suŋi bau a nyɛ ba tu sɔɔna.

Mat. 5:4

Ba naa tusa chɔkɛɛ ba tum tagna daha, Koosa zi belimi bau a nyɛ ba tu sɔɔna.

Room 8:23

A duŋduŋ laata. Ya naa piin kpak o siim weri ti nyɛn ya ni, ya gbanko namsiu a pɔ a la saha naa Koosa zi wa ŋɔ gbampulim niu di ya ya o bisiwa. Chen saha ti o zi wa lɛli ya barau a li a sou ni.