Room 6:23 - Tampulma

²³ Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Room 6:23 Referans Kwoze

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Room 5:12

Tɔ. Nibin bɛgim funɛ te nyɛn tɛɛnɛ nɔ maga ni saha digi a tum tum tagna. O fun sou a daha. Chendaha ba naa maga funɛ tiŋ o gantɛl gbanko fun siti ba tum tagna daha.

Jems 1:15

Ya tiŋ ya bambe kidaŋnɛ, ya zi tum tum tagnau. Ya tum tagna nyinbaan wa peti, Koosa zi wa na ya galimsau a ta ya yɔri.

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Room 5:21

Nibinsa tum tagna funɛ nyɛ nara maga siti, amaa lalaknɔ Koosa suŋi yau a bu vɛ na ya galimsa a nyɛ ya o mi fali naa vɛ kpak bɔ ya kunyana Yesu Kristo daha.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Jɔn 10:28

Mu kpa Koosa mi fali naa vɛ kpak bɔ a nyɛ a, chen ni o wa zi bu na a galimsa a ta a yɔri. Nandigi wa zi fuksi a n wati.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

Room 5:17

Nibin bɛgim tum tagna daha, nidamata fun siti. Lalaknɔ Koosa koti a suŋi ya kinkan a bu vɛ na ya galimsa a nyɛ ya o mi fali ti Yesu Kristo daha. Chenani Koosa tum kaali nibin bɛgim ti tuma kinkan.

Room 6:16

Ma wa zim di ma kpa ma titi a nyɛ nandigi ni, ma burgi o yosawaa? Ma kpa ma titi a nyɛ tum tagna ni, Koosa zi ta ma yɔriu. Ma ka kpa ma titi a tiŋ o nɔ, o wa zi bu na ma galimsa.

Jɔn 17:2

Hin funɛ nyɛ min nyinbaan di mu kpa i mi fali naa vɛ kpak bɔ a nyɛ tɛɛnɛ nɔ tim maga ni. Mu kpa un a nyɛ ba naa i fun lisi a nyɛ min chen.

Jɔn 6:68

Simɔn Pita fun ŋɔ un, “Mu kunyana, anti watɛɛ ya kaa la? Hin kpak Koosa mi fali naa vɛ kpak bɔ sɛma,

Jɔn 6:27

Ma ta kpa ma bambe a du diwe naa la zi wa chɔk, amaa ma ka kpa ma bambe a du Koosa mi fali naa vɛ kpak bɔ ni. Koosa naa ya mu nyan ti chiŋɛ mu gantɛl ni di mu ya nibine be. Chendaha mu koti a kpa chen mi fali ti a nyɛ ma.”

1 Jɔn 2:25

Ya kunyan ti fun vɔu di o zi nyɛ ya o mi fali naa vɛ kpak bɔu.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Jɔn 4:36

Ba naa kumɛɛ a kpa du napagsi ni, ba waa le la ba bɔta. Tumtumsi ta wa peti ba tum maga, ba naa du kin ta awa ba naa kumɛɛ, ba maga tusa zi sɔɔniu. Chen vɛɛna, ba naa kpa nara a wa mu wati chen ni Koosa zi kpa o mi fali naa vɛ kpak bɔ a nyɛ ba, o zi bɔ ba ba chimu.”

Room 1:32

Ba zimu di Koosa funɛ ŋɔ di o deŋlu wa ba naa la tum nan sitiu, amaa ba ha vɛɛn a tum au a ŋɔ di ba naa la tum chen tum tum werewa.

Room 6:21

Tum tagna naa ma funɛ tum chen, nyɛ ma na hiisa lalaknɔ. Baŋ nyɔɔrrɛ ma na a li a ni? Ba naa maga la tum a, Koosa zi wa ta ba yɔriu.

Room 8:6

Ba naa la lisi ba bara kina wɛ, Koosa zi wa ta ba yɔriu, amaa ba naa ka la lisi Koosa siim weri ti kina wɛ, ba waa kpak bara sɔɔna awa o mi fali ti.

Room 8:13

Yaa tiŋ ya bara kina, Koosa zi wa ta ya yɔriu. Amaa ma ka vɛ ma bara tum tagna tiŋi Koosa siim weri ti kpok daha, ma zi kpak o miisa naa vɛ kpak bɔu.

Room 8:38

Mu kpak bambi kinkanu di sou awa miisa wa malaika were wa kitagna kpok wa kin nawara la ya lalaknɔ wa kin nawara la zi wa ya,

Room 8:39

wa buudaha kina wa tɛɛnɛ nɔ maga kina, wa kin nawara maga Koosa fun naami, kin nama wa kikoti a waligi ya a li chenani Koosa daŋni ya, domi ya wa ya kunyana Yesu Kristo ya nibɛgimnɛ.