13 Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.
Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.
Ma wa zim di ma kpa ma titi a nyɛ nandigi ni, ma burgi o yosawaa? Ma kpa ma titi a nyɛ tum tagna ni, Koosa zi ta ma yɔriu. Ma ka kpa ma titi a tiŋ o nɔ, o wa zi bu na ma galimsa.
Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.
Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.
Saha digi ma funɛ ya ba naa vɛ ya Ju timwa a vɛ zim Koosa. Ma tum tagna funɛ nyɛ ma chi nibin sitɛ. Lalaknɔ Koosa funɛ lɛli mau a li ma sou ni a chi chenani o fun lɛli Kristo chen. Waa funɛ gil ya tum tagna maga a nyɛ ya.
Amaa ya la nɔɔni di ya tum tum tagniwa, Koosa zi gil au a nyɛ ya a yisi ya doŋ maga a li ya ni. Ya zimu di o zi ya chenu a nyɛ ya domi o ya wuti tiinnɛ ka o tum maga gbanko deŋli.
a fun wa na ya ka ya yaa chi nisitɛ ya tum tagni ta daha. O fun yisi ya a li ya tum tagna ni di ya tiŋ un o lɛli ya a li ya sou ni a chi chenani o fun lɛli Yesu Kristo chen. Koosa funɛ suŋi yau kinkan a la gali chen ni.
Mu kpak miisa koo mu siwɛɛ, mu se sɛrɛu lalaknɔ ka mu kpak bambi bɛgim Kristo ni, chen ni mu wa zi na hiisa a kpak bambi kpok kinkan. Mu ya chen, mu zi kpa mu barau a nyɛ un jirima kinkan a chi chenani mu ya nyɛ un jirima chen.
O bɔmu di ma zim kin nama mun. Chendaha mu ŋɔ ma a li ma nyɛni ni. Saha digi ma yaa fun kpa ma titiu a tum chɔkumsa tuma awa tum tagna bɔnɛ a gbaari. Lalaknɔ ma kpa ma titi aa tum tum were.
Maa zim di ma wa ma tum tagna wa bu kpak wu digi wa dɔŋ ni. Koosa funɛ kpa o mi fali ti a nyɛ ma, domi ma wa Yesu Kristo ya nibɛgimnɛ. Maa nyɛn a sɔɔni o tuha.
amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”
“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.
Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.