Room 5:15 - Tampulma

¹⁵ Chenani Koosa fun suŋi ya yɔri, awa chenani Adam tum tum tagna wa ya kibɛgim. Nibin bɛgim tum tagna daha, nidamata fun siti. Nibin bɛgim Yesu Kristo daha, Koosa ka fun koti a suŋi nidamata kinkan yɔri.

Room 5:15 Referans Kwoze

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Ɛfɛ. 2:8

Koosa funɛ suŋi ma ma se su un, chen ni o zi yisi mau a li ma tum tagna ni. Ma wa kikoti a ya chen a nyɛ ma titi ni. Chenani o tum a nyɛ ma ya o papaha ti.

Room 5:12

Tɔ. Nibin bɛgim funɛ te nyɛn tɛɛnɛ nɔ maga ni saha digi a tum tum tagna. O fun sou a daha. Chendaha ba naa maga funɛ tiŋ o gantɛl gbanko fun siti ba tum tagna daha.

1 Jɔn 5:11

Koosa sɛhɛra ti nɛɛnɛ. Waa funɛ kpa o mi fali naa vɛ kpak bɔ a nyɛ ya. Nan mi fali nɔ nyɛn o be ti nin ni.

2 Kɔr. 9:15

Koosa funɛ kpa o beu a nyɛ ya. Wuti waa kaali a maga kinkan. Chendaha ma nyɛ yaa zaami un.

1 Jɔn 2:2

O funɛ sou ya tum tagna daharɛ, chen ni o zi koti a yisi yau a li Koosa paan ni. O wa fun sou ya tum tagna duŋduŋ daharɛ. O funɛ sou tɛɛnɛ nɔ tim maga tum tagna gbanko daharɛ.

Ju 2:9

amaa ma lisi Yesu wɛ. Koosa funɛ tum unu tɛɛnɛ nɔ maga ni a nyɛ o malaikasi ta zen a kaali un wuzu bilɛ, a nyɛ o sou nara maga daha, chen ni Koosa zi kotiu a suŋi ba. O funɛ sou chene, Koosa fun lɛli un a li o sou ni a nyɛ un o jirima awa o chaani kinkan.

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Mat. 26:28

N zi kpa unu a nyɛ nidamata ni, chen ni Koosa zi gil ba tum tagnau a nyɛ ba. Mu ya chen, chen la zi biksi di o wa nara ya nɔ bɛgimnɛ.

Mat. 20:28

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ maga nara nɛɛ a sou a la nibinsa nyuuna a nyɛ ba.”

Tuma 15:11

Chenani ya kunyana Yesu fun suŋi ya ya se su un, ka Koosa fun yisi ya a li ya tum tagna ni ya tiŋ un awa chenani o tum nyɛ ba ya kibɛgimnɛ. Kin nama ya kibirige.”

2 Kɔr. 5:14

Yesu Kristo daŋni yau kinkan. Ya zimu di waa chiŋɛ nara maga bar chiŋɛ ni a sou ba daha. O la daŋni ya chen daha, ya se sɛrɛu di ya tum o tuma.