Room 5:11 - Tampulma

¹¹ Chen maga laatanɛ. Lalaknɔ Koosa ya ya jirima tiina ya kunyana Yesu Kristo naa nyɛ ya wa un ya nibɛgim daha.

Room 5:11 Referans Kwoze

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

Filip. Tima 4:4

Ma nyɛ ma tusa sɔɔni saha maga ya kunyan ti daha. Mu zi bukoo nɔ mau, ma nyɛ ma tusa sɔɔni.

Gal. 4:9

Lalaknɔ ma zim Koosa a ya o bisa ka o zim ma, yɛrɛ maa daŋni ma bur aa tiŋ chiina awa chiksɛ? Ma bur a daŋni ma ya a yosiwaa?

1 Pita 1:8

Ma ha wa na un, amaa maa daŋni unu ka ma se su un. Chendaha Koosa piin nyɛ ma tu sɔɔna hali a la gali.

Kɔl. 2:6

Ma fun la nɔɔni di Yesu Kristo ya ma kunyana. Chendaha maa tiŋ un nɛnɛ.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

Filip. Tima 3:1

Mu niinbisa, ma nyɛ ma tusa sɔɔni ya kunyan ti daha. Mu daŋni mu ŋɔ ma wu digirɛ. Mu funɛ te sɔbiu o wɛu a nyɛ ma a bura sɔbi nan. O zi suŋi mau ma ta cheli. Chendaha ma tuha sɔɔni di mu ya chen.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

1 Kɔr. 10:16

Ya wa lagmi di ya lisi ya kunyan ti siwi we, kinyɔɔli naa ya sumi Koosa a du a kpa nyɔ chen, ya wa yaa lisi o chɛl naa funɛ li a suŋi ya chenee? Boroboro naa ya yaa kpa se chen, ya wa yaa lisi o bara naa funɛ sou a suŋi ya chenee?

Room 11:15

Koosa funɛ vɛ Ju tim tau ba vɛ kpak se suuli daha, o fun burgi a daŋni o wa ba naa vɛ ya Ju tima ya nɔ bɛgim. O wa la Ju tim ta, chen la zi nyɛ ba naa vɛ ya Ju tima na nyɔɔra hali a la gali.

Room 2:17

Ma naa ba yir Ju tima, maa nyini Koosa naa ya ma jirima tiina, chiksɛ ta se ni,

Jɔn 1:12

Bɔnɛ ka fun la un a nyɛ ba se su un. Ba naa funɛ la un chen, o fun nyɛ ba burgi Koosa bisa.

Luk 1:46

Doone Mɛri fun ŋɔ, “N pɛgi Koosau wa mu bambi ni.

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

Room 5:3

Hali nara namsi ya, ya tusa gbanko zi sɔɔniu. Ya zimu di namsi ti nyɛ ya na kanyita.

Room 8:23

A duŋduŋ laata. Ya naa piin kpak o siim weri ti nyɛn ya ni, ya gbanko namsiu a pɔ a la saha naa Koosa zi wa ŋɔ gbampulim niu di ya ya o bisiwa. Chen saha ti o zi wa lɛli ya barau a li a sou ni.

Room 9:10

Chen vɛɛna, Rɛbɛka funɛ ya ya nawaal Aizik haannɛ a lul leusisa.

2 Kɔr. 8:19

Ba funɛ lisi unu di o wa ya kpa ma papaha ti a la nyɛ Yesu nitiŋɛ ba naa nyɛn Judia pulum ni. Nan la zi nyɛ ya kunyan ti wa jirima a biksi nara di yaa daŋni ya suŋi bau.