Room 3:19 - Tampulma

¹⁹ Ya zimu di ba naa la biksi Koosa chiksɛ ta, ba waa la biksi ba naa la tiŋ a, di ba na galimsa. Chendaha nara maga zi wa la nɔɔniu di ba tum galimsau Koosa suwachak ni. Ba wa zi wa koti a sɛm wu digi.

Room 3:19 Referans Kwoze

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Room 3:9

Adaha ya naa ya Ju tima ya ya nibin werewa a kaali ba naa vɛ ya Ju timaa? Aai. N piin biksi mau di ba naa ya Ju tim ta awa ba naa vɛ ya Ju tima, ba maga ya tum tagna timwa.

Gal. 5:18

Koosa siim weri ti ya ma nyuhu tiina, Koosa chiksɛ ta wa bu ya ma nyuhu tiina.

1 Kɔr. 1:29

Chendaha nibine wa to a la zi koti a nyɛ o titi jirima Koosa wati,

Room 3:23

Nara maga yaa tum tum tagnau a pɔɔgi chenani Koosa daŋni ba du.

Gal. 4:21

Ma naa la daŋni di Koosa chiksɛ ta dɔ ma, maa lisi chenani a biksi ma.

Gal. 4:5

O funɛ ya chene di o la nara ba naa chiksɛ ta dɔ, nyuuna a nyɛ ba, chen ni Koosa zi kotiu a kpa ba a burgi o titi bisa.

Room 1:20

Saha naa Koosa fun naami tɛɛnɛ nɔ maga hali wa zinan, ba kotiu a na chenani o bambi du a li kin nawara o naami ni. Ba waa funɛ zim o kpok naa vɛ kpak bɔ awa chenani o ya Koosa. O fun kpa kin nama a li gbampulim, chen ni ba wa zi koti a sɛm sɛma.

Jɔn 8:9

Ba funɛ nu o sɛm ta, nihɛɛti ta fun te a li nibɛgim bɛgima hali ba wa bichɛsi ta maga wa li. Yesu wa nihaan ti duŋduŋ funɛ kpalimi dooni.

Room 3:4

Aai. Nara maga ya nusun tima, Koosa sɛm ta ka zi ya wutiu saha maga. Ba fun a sɔbi a li o sɛm tɔn ti ni a ŋɔ, “Ba zi ŋɔ di i sɛm ta ya wutiu. Ba wa di i sɛria, i zi na nyusumu a li bar diili dɛ ti ni.”

Room 3:2

Ju tim ta kpak nyusumu a kaali ba a li wu damata ni. Wu birigi naa Koosa fun biksi o sɛma a du Ju tim ta nin ni.

Jɔn 15:25

Ba funɛ ha ya chene di chenani ba sɔbi a li Koosa sɛm tɔn ti ni chen zi ya watiu. Ba funɛ sɔbiu a ŋɔ, ‘Ba ha minu ka o vɛ kpak mun.’