Room 2:6 - Tampulma

⁶ Chen wuzu ti o zi wa bɔ nara maga wa ba chimu a li chenani ba tum ni.

Room 2:6 Referans Kwoze

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

JɔnN Deesi 22:12

Yesu ŋɔ, “Ma nu mu wati. O wa zi vusi ka mu wa bɔ ma chim a li chenani ma tum.

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

1 Kɔr. 3:8

Naa chɔɔse awa naa la du ni, ba maga ya nibɛgimnɛ. Koosa la zi bɔ ba ba chim.

JɔnN Deesi 2:23

Mu zi nyɛ o bisa sitiu, chen ni Yesu nitiŋɛ ta maga zi zimu di min ya naa zim chenani nibinsa bambe du. Mu zi bɔ ma magau a li chenani ma tum ni.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

Room 14:22

Chenani ma lisi kin nama wɛ, ma nyɛ chen nyɛn ma wa Koosa duŋduŋ wati. Nar zim di o wa tum galimsau diwe naa o di chen daha, o zi kpak tu sɔɔnau.

2 Kɔr. 11:15

Sintana koti a tum chen, o wa bɔm wa o tumtumsa chɛrgi ba titi, chen ni ma zi lisiu di ba ya Koosa tumtumsiwa. Koosa wa di ba sɛria, o zi na ba galimsau a ta ba yɔri.

2 Tim. 4:14

Machɛrɛ naa ba yir Alɛzanda chen funɛ muksi min kinkan. Ya kunyan ti zi wa di o tum tagna sɛriau.