Room 2:26 - Tampulma

²⁶ Nara vɛ teŋsi aa tiŋ o chiksɛ ta, Koosa zi nyini bau a chi ba wa teŋsi.

Room 2:26 Referans Kwoze

Kɔl. 2:11

Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

Room 8:4

chen ni ya naa vɛ tum tuma a li ya bara kpok ti ni, amaa a la tum a a li Koosa siim weri kpok ti ni, zi kotiu aa tum tum were a naa maga chiksɛ ta biksi.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

Ɛfɛ. 2:11

Ba funɛ lul ma a li ba naa vɛ ya Ju tim nɛɛ. Ju tim ta yir ma ba naa ba vɛ teŋsi. Ba ka yir ba titi ba naa ba teŋsi. Ma lisi chenani ma fun nyɛn saha digi.

Room 3:30

Koosa bɛgim duŋduŋ nyɛnɛɛ. Ju tim ta nyɛ ba se su Yesu Kristo, o wa zi bu na ba galimsa. Ba naa vɛ ya Ju tima nyɛ ba se su un, Koosa gbanko wa zi na ba galimsa.

Mat. 15:28

Yesu fun ŋɔ un, “I si su min kinkanu. Mu zi tum chenani i daŋniu a nyɛ hin.” O funɛ sɛm chene, o be ti vaan na alaafɛ.

Room 2:25

Ba teŋ ma ka maa tiŋ o chiksɛ ta gbanko, ma teŋi nyɛ ma na nyɔɔrau. Amaa maa chɔk o chiksɛ ta, ma burgi a chi ba naa vɛ teŋsire.

Room 2:27

Chendaha ba naa vɛ ya Ju tima nyɛ ma na galimsa, domi nara funɛ sɔbi Koosa chiksɛ tau a nyɛ ma aa teŋsi ma, amaa maa chɔk au. Ba ka tiŋ o chiksɛ tau a vɛ teŋsi.

Gal. 6:15

Koosa baga wa to di nara teŋsi dɔŋa koo ba wa teŋsi. O baga ka nyɛnu di o kɔɔri ma ma ya nibin falɛ.