Room 2:22 - Tampulma

²² Ma ŋɔu di ba ta tum chɔkumsa tuma a la tum chɔkumsa tuma. Ma ŋɔu di ba nyɛ Koosa jirima a vɛ ya chen ma titi.

Room 2:22 Referans Kwoze

Mat. 12:39

Yesu fun ŋɔ ba, “Ma zinan nibinsa vɛ Koosirɛ kinkan a la tum tum tagna. Mu wa la nɔɔni di mu tum alaazibu tum a nyɛ ma lalaknɔ. Alaazibu tum naa ma zi wa na wuzu digi kaa wa chi chenani Koosa fun tum nyɛ o witiina Joona ni saha digi chene.

Jems 4:4

Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.

Tuma 19:37

Nara balɛ na ma kpa wa bar nɔ nan wa ŋmɛ kina a li vuk damsi ni koo a chɔk ya vuk nihaan ti sɔn.

Maak 11:17

O fun vɛɛn biksi nara tima. O funɛ biksi ba chene, o pɛɛsi ba, “Ma wa zim chenani ba fun sɔbi a du Koosa sɛm tɔn ti ni chenn? Ba funɛ sɔbiu di, ‘N dam nɔ ya nara maga Koosa bar jɛɛmi damnɛ.’ Ba funɛ sɔbi nannɛ, amaa ma waa kpa a burgi ŋmɛɛrsa bar kani.”

Mat. 16:4

Yesu fun bukoo ŋɔ ba, “Ma zinan nibinsa vɛ Koosirɛ kinkan a la tum tum tagna. Mu wa la nɔɔni di mu tum alaazibu tum a nyɛ ma lalaknɔ. Alaazibu tum naa ma zi wa na wuzu digi zi chi chenani Koosa fun tum nyɛ o witiina Joona ni saha digi chene.” Yesu fun gil ba a kaali.

Room 12:9

Maa daŋni dɔŋa a li ma bambe ni a bur gantɛl a li tum tagna ni a la suwachak a li tum were nyinbaan saha maga.