Room 2:14 - Tampulma

¹⁴ Ba naa vɛ ya Ju tima, ba wa la o chiksɛ ta. Amaa ba bambe nyɛ ba tum chenani o chiksɛ ta ŋɔ di baa tiŋ, ba titi bambe la nyɛ ba chiksɛ.

Room 2:14 Referans Kwoze

Room 2:12

Ba naa vɛ ya Ju tima wa la Koosa chiksɛ ta a la tum tum tagna, Koosa wa zi wa kpa o chiksɛ ta a wa di ba sɛria. Amaa Ju tima ba naa la o chiksɛ ta, chiksɛ tawa Koosa zi wa kpa a wa di ba sɛria.

Room 2:27

Chendaha ba naa vɛ ya Ju tima nyɛ ma na galimsa, domi nara funɛ sɔbi Koosa chiksɛ tau a nyɛ ma aa teŋsi ma, amaa maa chɔk au. Ba ka tiŋ o chiksɛ tau a vɛ teŋsi.

Ɛfɛ. 2:12

Chen saha ti ma wa Yesu Kristo wa fun ya nibɛgim. Ma funɛ ya hɔɔrawa a vɛ lagmi Ju tima ba naa Koosa fun lisi a nyɛ o titi ni. Ba wa fun gur ma lagmi ba naa wa Koosa kpak nɔ bɛgim a li o vɔwɛ ta o fun kpa nyɛ ba chen. Chenani ma yaa nyɛn wuzu kam, ma wa fun zim Koosa a vɛ koti a kpak bambi bɛgim a li un ni.

Tuma 17:30

Hali saha nɔ Koosa wa fun lɛrgi ba naa vɛ zim o wɛ diŋsa, amaa o fun ŋɔ ba naa nyɛn bawu maga ni lalaknɔ di ba gil ba tum tagna a bur tiŋ un.

Tuma 10:35

Ba naa maga yaa tum tum were a la nyɛ un jirima a li pulumsi maga ni, o zi la ba duu.

Room 1:32

Ba zimu di Koosa funɛ ŋɔ di o deŋlu wa ba naa la tum nan sitiu, amaa ba ha vɛɛn a tum au a ŋɔ di ba naa la tum chen tum tum werewa.

1 Kɔr. 11:14

Ma nyɛni ni o biksi ma di nibaal nyuksa wa i kinkan, o wa wer. Chen yaa ya un hiisarɛ.

Filip. Tima 4:8

Mu niinbisa, ma nyɛ mu lagmi a nama maga a ŋɔ ma. Ma yaa lisi kin naa ya wuti a kpak jirima a deŋli a chaani a wer. Kin nawara nara pɛgi, maa lisi a wɛ.

Tuma 14:16

Hali wa zinan waa nyɛ nara maga jɛɛmi a li chenani baa daŋni ni.

Room 2:15

Ba tuma biksɛɛ di Koosa funɛ sɔbi o chiksɛu ba bambe ni. Ba bambe lise gbanko di ba sɛria a ŋɔ ba di ba galimu akoo ba wa galimi.

1 Kɔr. 9:21

Mu wa ba naa vɛ ya Ju tima a vɛ tiŋ Ju tim chiksɛ ta, wa lagmi, mu yaa kpa mu titiu a burgi ba, chen ni mu gbanko zi la ba bɔnɛu a nyɛ Koosa ni. Mu kpa mu titi a burgi nara nama, mu ha vɛɛn tiŋ Koosa nɔrɛ. Muu tiŋ chenani Yesu fun biksi ya di yaa tiŋnɛ.

Ɛfɛ. 2:3

Saha digi ya maga funɛ tiŋ chene. Lise tagna a naa funɛ nyɛn ya bambe ni awa ya titi daŋnɛ nyɛ ya yaa funɛ tum tum tagna damata. Chendaha Koosa fun na paan a du ya ni. Chenani o funɛ daŋni di o wa lɛrgi ya diŋsa awa tɛɛnɛ nɔ tim maga diŋsa funɛ ya kibɛgimnɛ.