Room 2:1 - Tampulma

¹ I dɔŋtiina tum tum tagna ka i di un sɛria, i wa zi koti a ŋɔ wu digi. I tum galimsau a du i titi ni. Tum tagna naa i fiksi un chen, ii gbanko tum chene vɛɛna.

Room 2:1 Referans Kwoze

Luk 6:37

“Ma ta na ma dɔŋtima galimsa, chen ni Koosa gbanko wa zi na ma galimsa. Maa gil ma dɔŋtima tum tagna a nyɛ ba, Koosa gbanko zi gil ma tum tagna a nyɛ ma.

Room 2:3

I di chenani i dɔŋtiina tum sɛria chen, i zi koti a chɔ li Koosa sɛria diili ti niuu?

Room 9:20

Ma naa ya nibinsa, yɛrɛ ma daŋni ma lɛusi Koosa? Nibine kɔɔri tempile, tempile ti zi koti a burgi a pɛɛsi naa kɔɔri un chen di, yɛrɛ i kɔɔri min nan?

Jems 4:11

Mu niinbisa, ma ta sɛm wu tagna a nyɛ dɔŋ ni. Ba naa la sɛm sɛm tagna a nyɛ ba niinbisa ni a la di ba sɛria, chen tima sɛm sɛm tagna a nyɛ Koosa chiksɛ ta ni a la di o sɛria. Maa di Koosa chiksɛ ta sɛria ti, ma wara tiŋ a.

Jems 2:20

Ma ya womniwa kinkan. Mu ŋɔ ma di nar si su Yesu ka o vɛ tum tum were, o zi suuli ti ya yɔrirɛ.

Luk 19:22

O kunyan ti fun na paan a du un ni a ŋɔ, ‘I ya nibin taginnɛ. I sɛma nyɛ i na galimsa. I zimu di mu kpak tu haasa ka mu kum kina doonani mu vɛ duuli a pa a naa vɛ ya mu kina.

1 Kɔr. 7:16

Ma nihaana, ma wa zim di Koosa zi kotiu a yisi ma baalasa a li ba tum tagna ni ma dahaa? Ma nibaala, ma wa zim di Koosa zi kotiu a yisi ma haanasa a li ba tum tagna ni ma dahaa?

Luk 12:14

Yesu fun ŋɔ un, “N chɛna, o wa deŋli wa mu di ma sɛria a purigi a a nyɛ ma.”

Room 2:2

Ya zimu di o deŋlu wa Koosa di ba naa la tum nan sɛria.

Room 3:9

Adaha ya naa ya Ju tima ya ya nibin werewa a kaali ba naa vɛ ya Ju timaa? Aai. N piin biksi mau di ba naa ya Ju tim ta awa ba naa vɛ ya Ju tima, ba maga ya tum tagna timwa.

Room 14:22

Chenani ma lisi kin nama wɛ, ma nyɛ chen nyɛn ma wa Koosa duŋduŋ wati. Nar zim di o wa tum galimsau diwe naa o di chen daha, o zi kpak tu sɔɔnau.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.