Room 16:25 - Tampulma

²⁵ Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

Room 16:25 Referans Kwoze

1 Kɔr. 2:7

Ya ka biksi ma Koosa zima ti wɛwa. O funɛ te lisi unu ya jirima daha a zi naami tɛɛnɛ nɔ maga. Hali saha nɔ Koosa ha vɛɛna sogli unu a li nibinsi ni.

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

Ɛfɛ. 1:9

o funɛ lisiu saha digi di o zi kpa Yesu Kristou a tum o tuma hali o wa peti. O fun a tiŋ o tutɔ ti a biksi ya o wu sogle nama wɛ.

2 Tɛs. 2:14

Ya funɛ wa biksi ma Koosa laaboor weri ti wɛ, o fun a yir ma, chen ni wuzu digi ma zi wa bɔni ya kunyan Yesu Kristo jirima awa o chaaniu kinkan.

2 Kɔr. 4:3

Nidamata wara nu Koosa laaboor weri naa ya kpa biksi ba. Koosa zi wa na ba galimsau a ta ba yɔri.

Ɛfɛ. 3:9

Koosa gbanko funɛ lisi min di mu biksi nara maga nyinbaan naa Koosa tutɔ ti tiŋ. Waa funɛ naami kina maga, a kpa o tutɔ ti a sogli o piili ni,

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

2 Tim. 2:8

Kilisi Yesu Kristo naa funɛ ya koor Devid lul be, a si a li o sou ni. Mu yaa ŋɔ nara niu Koosa laaboor weri ti wɛ, o wɛwa mu yaa ŋɔ ba.

2 Tɛs. 3:3

Amaa ya kunyan ti ya wuti tiina. O zi kpa o kpoku a nyɛ ma a yisi ma a li tum tagna naa sintana tum a du ma ni.

Ɛfɛ. 6:19

Ma gbanko kisumi Koosa mu daha, di o nyɛ mu bambi kpok mu biksi nidamata o laaboor weri ti wɛ. O laaboor weri nɔwa, o fun kpa sogli hali wa zinan o kpa un a li gbampulim ni.

Gal. 2:2

Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

2 Kɔr. 4:5

Ya wara biksi narawa ya titi wɛ. Ya ka biksi ba Yesu Kristo naa ya ya kunyan ti wɛwa. O daha ya wa ya ma tumtumsa.

1 Kɔr. 1:23

Amaa ya wa la biksi ba Yesu daakakli ti siwi ti wɛ duŋduŋ. Chen ya tuzɔgrɛ Ju tim ta wati, a vɛɛn ya yɔri a li ba naa maga vɛ ya Ju tim wati.

Tuma 20:32

“Lalaknɔ mu kpa ma a du Koosa nin ni. O laaboor weri ti chenani o suŋi nara wɛ zi nyɛ ma kpak unu nɛnɛ a gbaari. Wuzu digi o zi wa kpa kin nawara o fun kpa chiŋsiu a nyɛ ba naa maga o fun lisi a nyɛ o titi ni.

Tuma 9:20

A funɛ ya tamnɛ, o fun vaan si a zu Ju tim ta bar lagmi dɛɛna aa biksi ba di Yesu ya Koosa bere.

Mat. 13:35

O ya chene di chenani Koosa witinsi ta digi fun sɔbi a li Koosa sɛm tɔn ti ni saha digi wa ya wuti. O funɛ sɔbiu di Koosa ŋɔ, “Mu sɛm sɛma nara tima wati, mu zi jɛɛgi jɛɛgɛ a nyɛ ba. Mu funɛ naami tɛɛnɛ nɔ maga, mu fun kpa kidamata a sogli. Mu zi kpa au a li gbampulimu a biksi ba.”

Mat. 13:17

Ma nyɛ mu ŋɔ ma, Koosa witinsa nidamata awa tum were tima funɛ daŋniu kinkan di ba na kin nawara ma na, amaa ba wa fun koti a na a. Ba funɛ daŋniu kinkan di ba nu sɛm naa ma nu, amaa ba wa fun koti a nu a.”

1 Pita 1:20

O funɛ te lisi Kristore a zi naami tɛɛnɛ nɔ maga. Tɛɛnɛ nɔ maga siili saha wa dugli, Koosa fun tum un di waa tum nan a nyɛ ma.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

Ɛfɛ. 3:11

Koosa funɛ tiŋ o tutɔrɛ a li o piili ti ni a kpa du ya kunyana Yesu Kristo nin ni di o tum un.

1 Kɔr. 4:1

O weru di ma la yir ya Yesu tumtumsi chen. Koosa funɛ kpa o wu sogle a du ya nisa ni. Ya ka kpa a aa biksi nara.

Room 14:4

Anti ya ma ma koti a ŋɔ di nandigi tumtumna tum galimsau? O titi kunyana la zi zim di o chelu koo o wa chel. Ya kunyan ti zi chiŋi o tumtumsa gantɛl niu, chen ni ba wa zi chel.

1 Tɛs. 3:13

Maa daŋni dɔŋa chen ni, Koosa zi nyɛ ma bambe kpoku, chen ni ya kunyan Yesu awa o walɛ maga a wa, ma zi wa kotiu a chiŋi ya kunyan Koosa suwachak ni awa tu chaana ka galimsa ta nyɛn ma ni.

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

Room 16:24

Ya kunyana Yesu Kristo la zi suŋi ma.))

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

Kɔl. 4:3

Maa sumi Koosa gbanko a nyɛ ya di o nyɛ ya nyinbaan ya sɛm nara ni o laaboor weri ti wɛ aa biksi ba o kisogli wɛ. O wu sogli ti ya Kristo. O laaboor weri ti daha ba fun tɔ min dɛ.

JɔnN Deesi 10:7

Malaikasa nɔpɛ tiin ti funɛ wa hu o kaabul, Koosa naa funɛ te kpa chenani o funɛ lisi a sogli a zi kpa a a li gbampulim a biksi o witinsa ba naa funɛ ya o tumtumsa, o zi tum chenani o daŋni o ya saha digiu.”

Mat. 20:7

Ba fun ŋɔ un, ‘Nandigi wa kpa ya a la o ŋmaha.’ O fun bukoo ŋɔ ba, ‘Ma gban kila n ŋmaha a la par.’