Room 16:19 - Tampulma

¹⁹ Nara nyɛ ma jirima bawu maga ni domi chenani maa tiŋ Koosa nɛnɛ. Chendaha mu tuha sɔɔni. Mu daŋni ma zim wu werewa a ya womna a li wu tagna ni.

Room 16:19 Referans Kwoze

Mat. 10:16

“Maa nu mu wati. Ma naa mu tum nan, ma zi chi piisisau gbesa bambaan ni. Adaha maa nɛɛgi a chi duma aa ya jɛrgɛ a chi koma.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

Filip. Tima 2:15

Ma waa ya o bisa a kpak tu chaana a vɛ kpak galimsa. Ba naa ya nusun tima a la tum tum tagna kinkan, nyɛnu a go ma. Ma chaani ba bambaan ni a chi wula chaani buudaha ni,

Room 1:8

Mu daŋni n te ŋɔ di Yesu Kristo kpa chenani mu kunyana Koosa ma maga daha a nyɛ un. Nara sɛmu bawu maga ni chenani ma se su Yesu Kristo.

Filip. Tima 1:9

Nannɛ muu sumi Koosa ma daha. Mu sumi unu di ma zi wa zim unu wuti ni a kidaŋni dɔŋa kinkan aa gbaari,

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

Ɛfɛ. 5:17

Ma ta chi womna, amaa ma dɛu chenani Koosa daŋni ma tum a nyɛ un.

Luk 10:3

Mu la tum ma di ma la a chi chenani nar ya tum piisibisa gbesa bambaan ni chen.