Room 16:18 - Tampulma

¹⁸ Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

Room 16:18 Referans Kwoze

Kɔl. 2:4

Mu biksi ma nan, chen ni nandigi wa kpa sɛm naa chi wuti a sɛm ma, o wa zi koti a mur ma.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

Mat. 7:15

“Ma doso a kinyini witinsa ba naa vɛ zim Koosa. Ba wa wa ma wati, ba chi piisisiwa, amaa ba tusi ni ba chi gbesiwa a naa la daŋni diwewa.

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

2 Pita 2:3

Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.

Juud 1:16

Nara nama yaa zulimi a la na nara galimsa saha maga. Ba yaa tiŋ ba titi daŋnirɛ a la daŋni sɔna a la pɛgi nara wa ba nyina ni di ba tiŋ ba a nyɛ ba malɛ.

2 Tɛs. 2:10

di o mur nara ba naa Koosa zi wa na ba galimsa a ta ba yɔri. O zi wa na ba galimsa chenu, domi ba wara daŋni wuti ti, chen ni o fu zi kotiu a yisi ba a li ba tum tagna ni ba tiŋ un.

Juud 1:12

Ba wa ma lagmɛɛ di ma di diwe, ba nyini ba duŋduŋnɛ a la di a la nyɔ kinkan. Chen la chɔk ma lagmi ti. Ba chi dobaala naa peha ya a vɛ mi doone. Ba chi bugili naa vɛ koti a nɔɔnirɛ, chen ni nara wa hur a luta a chɛsi a siti.

Filip. Tima 2:21

Ba naa kaɛɛ bar nɔ, ba baga nyɛn ba titi kinnɛɛ. Ba baga wa to Yesu Kristo kina ni.

Gal. 1:10

Ma lisu di muu daŋni mu ya nara lɛmlɛmnɛɛ? Aai. Mu daŋni mu sɔɔni Koosa duŋduŋ tuharɛ. Mu daŋni mu ya nara lɛmlɛm, mu wa ya Kristo tumtumna.

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Kɔl. 3:24

Ma tum a nyɛ ya kunyana Yesu Kristo nee. Wuzu digi waa la zi wa bɔ ma ma chim a kpa kin nawara o fun kpa chiŋsi a nyɛ ma.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

Room 16:19

Nara nyɛ ma jirima bawu maga ni domi chenani maa tiŋ Koosa nɛnɛ. Chendaha mu tuha sɔɔni. Mu daŋni ma zim wu werewa a ya womna a li wu tagna ni.

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Mat. 24:11

Witinsi ta nidamata ba naa vɛ zim Koosa, zi wa wau a mur nara kinkan,

Mat. 6:24

“Nibɛgim wa kisuŋi nihɛɛta nara balɛ. O zi daŋni digiu a ha digi. O si zi su digiu a vɛ digi. Chen vɛɛna, ma wa zi koti a tum a nyɛ Koosa ni a ya si tima.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

Room 14:18

Ba naa maga tiŋ Kristo nɔ chen, zi sɔɔni Koosa tuhau. Nibinsa gbanko zi nyɛ ba jirimau.