Room 15:19 - Tampulma

¹⁹ wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

Room 15:19 Referans Kwoze

2 Kɔr. 12:12

Mu funɛ nyɛn ma wati, ma wa funɛ beeli di mu ya Koosa nitumirɛ wuti. Waa funɛ suŋi min di mu tum tum zene a kitum alaazibu tuma awa kanyita kinkan ni a nyɛ ma.

Ju 2:4

Koosa funɛ nyɛ ba tum tum zene awa alaazibu tuma a tiŋ o tutɔ a kpa o siim weri ti papaha a nyɛ ba di o biksi nara di o sɛm ta ya wutiu.

Gal. 3:5

Koosa kpa o siim weri ti a tum tum zene a nyɛ ma, o ya chenu domi maa tiŋ o chiksɛwa hali a wa peti koo domi ma funɛ nu o laaboor weri ti a nyɛ ma se su unn?

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.

Tuma 20:6

Ju tim ta wuzu zen naa ba yaa se boroboro ka luri vɛ nyɛni chen, petiu, ya fun li Girik tim pulum a kaali Filipai a la zu arŋa a kaali Troas. Wuzu bunyuu gantɛl ni ya fun tel doon a nyɛn wuzu bunɔpɛ.

Tuma 17:10

Dusum funɛ wa biri, Yesu nitiŋɛ ta fun tum Pɔɔl awa Sailas a li tɔhɔn naa ba yir Bɛrɛa. Ba fun la tel doon a la zu Ju tim ta bar lagmi dɛ.

Tuma 20:20

Mu funɛ biksi Koosa laaboor weri ti a nyɛ ma nara suwachak ni a vɛɛn biksi ma a li ma damsi ni. Kinkin naa la zi suŋi ma wa ka mu vɛ ŋɔ ma.

Tuma 19:1

Apɔlɔs funɛ nyɛn Kɔrint ni, Pɔɔl fun gba a la li Ɛfɛsus. O fun la pu Yesu nitiŋɛ ta bɔnɛ dooni,

Tuma 18:19

Ba fun la tel tɔhɔn naa ba yir Ɛfɛsus ka Pɔɔl fun la zu Ju tim ta bar lagmi dɛ di o wa ba di o biksi ti amɔrɛ.

Tuma 18:1

Wuzu bilɛ wuzu, Pɔɔl fun li Atɛns ni a kaali tɔhɔn naa ba yir Kɔrint.

Tuma 17:15

Ba funɛ tel tɔhɔn naa ba yir Atɛns, Pɔɔl fun tum ba naa tiŋ un chen, ba bur kaali Bɛrɛa di ba la ŋɔ Sailas awa Timoti ni di ba wa gbaari un ni lalaga.

Tuma 16:18

Nihabichɛl ti fun tiŋ ya a gba wuzu bilɛ. O fun wa tel o bɔ, Pɔɔl fun burgi a ŋɔ alizin tagin ti ni, “N kpa Yesu Kristo sɔnnɛ a ŋɔ hin di i li un ni.” Alizin tagin ti fun vaan li un ni.

Tuma 15:12

Pita funɛ sɛm peti, ba maga fun moori di ba nu Barnabas awa Pɔɔl wati. Ba fun ŋɔ ba chenani Koosa fun suŋi ba ba tum tum zene awa alaazibu tuma a nyɛ ba naa vɛ ya Ju tim ni.

Tuma 14:25

Ba fun bu la tel Pɛɛga a biksi Koosa laaboor weri ti doon a li a kaali tɔhɔn naa ba yir Atalia,

Tuma 14:20

Yesu nitiŋɛ ta fun go un wa kaali di ba na ba kisuŋi unu, amaa o funɛ kotiu a si chiŋi. O wa ba bur kaali tɔhɔn ti tuha. Chɔɔsa fun bu wa pisi o wa Barnabas fun li dooni a kaali Dɛɛbɛ.

Tuma 14:10

a sɛm wa ta zaŋa ni, “Si a chiŋi.” Gbarigi ti fun vaan si za a chiksi a val a go.

Tuma 14:6

Pɔɔl awa Barnabas funɛ na ba ka ba wa, ba fun si lalaga a li dooni a kaali tɔsa a naa ba yir Listira awa Dɛɛbɛ awa tɔsa naa go a a li Laikonia pulum ni.

Tuma 13:51

Pɔɔl awa Barnabas funɛ nyɛn nyinbaan ni a la chene, ba fun pisi ba naŋgere hɛɛra a ta di Ju tim ta zim di o wa li ba ni, a kaali tɔhɔn naa ba yir Ikonium.

Tuma 13:14

Pɔɔl awa Barnabas fun la gali Pɛɛga ni a kaali Antiɔk a li Paisidia pulum ni. Ju tim ta hiisi wuzu funɛ wa tel, ba fun la zu ba bar lagmi dɛ a kani.

Tuma 1:8

Koosa wa tum o siim weri ti di o nyɛn ma bambe ni, o kpok ti zi wa siu ma ni a nyɛ ma ŋɔ Jɛrusalɛm tima, Judia tima, Samaria tima awa ba naa nyɛn bawu maga ni mu wɛ.”

Jɔn 4:48

Yesu fun ŋɔ un, “Mu vɛ tum tum zene a nyɛ ma, ma se wa zi su min.”

Mat. 12:28

Koosa siim weri ti ka nyɛ min kpok mu yaa duŋni alizin tagna a li nara ni. Nan biksi ma di saha ti telu di Koosa wa dɔ ma.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

Kɔl. 1:25

Koosa nyɛ mu tum a nyɛ o nitiŋɛ ta ni, chen ni mu zi suŋi bau kinkan. Waa funɛ nyɛ mu ya chen tumtumna a ŋɔ di muu biksi o laaboor weri ti maga hali a wa peti.

Room 15:24

Chendaha mu daŋni mu te wa ma watɛɛ a zi gali a la Speen pulum. Mu nyɛn ma wati hali a wa puŋ, mu zi nyɛ ma suŋi minu mu la Speen.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

1 Kɔr. 2:4

Biksi ti maga mu fun biksi ma, o wa fun tiŋ nibinsa zimirɛ di o ya ma lɛmlɛm, amaa Koosa siim weri ti funɛ ya mu sɛm ta sɛhɛra a nyɛ a kpak kpok.

1 Tɛs. 1:5

Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,