Room 14:8 - Tampulma

⁸ Ya nyɛnɛɛ a kpak miisa, ya kunyan ti daha ya nyɛn. Ya sitɛɛ, ya kunyan ti daha ya sou. Ya kpak miisa koo ya sitɛɛ, ya kunyan ti ha vɛɛn dɔ ya.

Room 14:8 Referans Kwoze

Filip. Tima 1:20

Mu kpak miisa koo mu siwɛɛ, mu se sɛrɛu lalaknɔ ka mu kpak bambi bɛgim Kristo ni, chen ni mu wa zi na hiisa a kpak bambi kpok kinkan. Mu ya chen, mu zi kpa mu barau a nyɛ un jirima kinkan a chi chenani mu ya nyɛ un jirima chen.

1 Tɛs. 5:10

O funɛ sou ya daharɛ chen ni o wa bur wa, ka ya maga ha vɛɛn nyɛn akoo a siti, ya zi wa kpak miisau a nyɛn o wati.

1 Kɔr. 15:23

Amaa ya kaa wa si ya sou ni nibɛgim bɛgimwa. Yesu funɛ ya naa funɛ te si. O wa bur wa, ba naa o dɔ chen gbanko zi wa siu.

Tuma 21:13

O fun ŋɔ ya, “Yɛrɛ ma nyɛ mu wɛ muksi ma a nyɛ mu bambi buti? N saksɛu di ba kpak min a vɔu ya kunyan Yesu daha. Hali mu saksɛu di mu sou a nyɛ un.”

JɔnN Deesi 14:13

Doone mu fun nu ta a li Koosa tɔhɔn ti ni ka o ŋɔ, “Sɔbi chenani mu kaa sɛm nan a dau. Ba naa tum tuma aa nyɛ ya kunyan ni a wa siti, ba tusa zi sɔɔniu.” Koosa siim weri ti fun ŋɔ a gbaari, “I sɛma ya wutirɛ.” Koosa zi bɔ ba ba chimu a nyɛ ba hiisi a li ba tum kpok kinkan ni ka ba tusa sɔɔni.

Filip. Tima 2:17

Ma se su Koosa ma tum a nyɛ un chen, chi chenani Ju tim ta fun kpa sela a kɔɔri kɔɔra a nyɛ un chene. Ba kpu min, mu tuha zi sɔɔniu.

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Filip. Tima 2:30

Waa chiŋi ma bar chiŋɛ ni a tum tuma a nyɛ Kristo ni a suŋi min. Hali o fun la zu bar tagna ni a daŋni o sou.

Tuma 13:36

Devid funɛ kpak miisa, o funɛ tiŋ Koosa nɔu hali a wa sou. Ba fun kpa un a sogli a dugli o nawaalsi ta hugilsa ka o fun pɔ,

Jɔn 21:19

Chene Yesu fun sɛm Pita ni di o biksi un chenani o zi wa sou a nyɛ Koosa wa jirima. O funɛ sɛm nannɛ a fun ŋɔ un, “Kitiŋ min.”

Luk 20:38

Ba naa sitɛɛ laata la jɛɛmi Koosa, amaa ba naa kpak miisa. Nara maga kpak miisa o suwachak ni.”