Room 11:7 - Tampulma

⁷ Yɛrɛ o du lalaknɔ? Kin naa Ju tim ta funɛ dɛu, ba wa fun na un. Ba nara tama naa Koosa fun yisi a nyɛ o titi ni, ba waa funɛ wa na un. Ba naa funɛ vɛ na un, o fun nyɛ ba se kpok.

Room 11:7 Referans Kwoze

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Room 9:18

Koosa kpak o siki a du ba naa o daŋni ni. Ba naa se o daŋni a kpok, a kpok.

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

Room 11:5

Chene o du lalaknɔ. Koosa fun a kpak siki a du Ju tim tama ni a lisi ba a nyɛ o titi ni.

Ɛfɛ. 1:4

O fun te lisi ya a nyɛ o titi ni Yesu Kristo daha ka o fun a naami tɛɛnɛ nɔ maga, chen ni ya zi kotiu a ya bambi chaan tima ba naa o vɛ na ba galimsa o suwachak ni.

2 Kɔr. 3:14

Amaa Ju tim ta ka chi un. Chen saha ti hali wa zinan, ba yaa funɛ karimi Koosa chiksɛ ta a li o sɛm tɔn ti ni. A chi gar tɔ ba lise. Ba bambe gbanko chi bambe sitɛwa. Nyinbaan bɛgim duŋduŋ nyɛ ba wa zim Koosa. O lawa ba se su Yesu Kristou.

Room 9:23

O gbanko funɛ daŋni o biksi ba naa o kpak siki o jirima awa o chaani kinkan. Saha digi o funɛ saksi bau di ba la nyɛn o tɔhɔn ti ni a la un.

Filip. Tima 1:18

Amaa o magu. Bɔnɛ biksi nara Kristo wɛ a li ba bambe nee, bɔnɛ ka biksi ba a li ba nyina ni. Kristo wɛwa ba maga biksi. Chendaha mu tuha sɔɔnɛu.

1 Kɔr. 10:19

Chenani mu daŋni mu ŋɔ ma ya di vursi ta kidigi wa ya kundɔŋ, akoo kikɔɔrɛ ta ba kɔɔri aa nyɛ a chen, a wa ya kundɔŋ.

Room 10:3

Ba ha wa fun zim Koosa nyinbaan naa nyɛ o vɛ na nibinsa galimsa a kpaŋi aa kɔɔri ba titi nyinbaan di o du chen. Chendaha ba fun vɛ la chenani o koti a tum a nyɛ ba.

Room 6:15

Mu ŋɔɛɛ di chiksɛ ta wa dɔ ma amaa Koosa suŋi mau, o deŋlu wa yaa tum tum tagnaa? Aai.

Room 3:9

Adaha ya naa ya Ju tima ya ya nibin werewa a kaali ba naa vɛ ya Ju timaa? Aai. N piin biksi mau di ba naa ya Ju tim ta awa ba naa vɛ ya Ju tima, ba maga ya tum tagna timwa.

Jɔn 12:40

“Koosa funɛ nyɛ ba se tɔ a nyɛ ba bambe ya bambe sitɛ, chen ni ba wa zi koti a na aa zim chenani o ya. O vɛ ya chen, ba bambe zi chɛrgiu chen ni o gil ba tum tagna a nyɛ ba.”

Luk 13:24

“Koosa koor ti bulzɔɔnɔ fɛmɛu. Ma kpaŋi ma titi kinkan a la zu dooni. Nidamata daŋni ba zu unu, amaa ba wa koti.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

Ju 12:17

O nyana funɛ wa dugli siwi, Isɔ funɛ daŋni o sumi Koosa a kpa un a du Koosa nin ni. Amaa o nyana wa fun koti a ya chen, domi o funɛ yogli o nyan ti kina magawa. Hali o fun a wi kinkan, o wa fun koti a chɛrgi chenani o tum.

Maak 6:52

O funɛ ya ba alaazibu chen, domi ba fa wa zim chenani Yesu fa kpa boroborosi ta a nyɛ zɛmɛ ta ni chen.

Ɛfɛ. 4:18

ka ba se fun vɛ lɛli. Ba se kpoka wa fun nyɛ ba zim Koosa. Chendaha o vɛ koti a kpa o mi fali ti a nyɛ ba.