Room 11:22 - Tampulma

²² Maa lisi chenani Koosa kpok awa bɔnɛ ni a kpak siki wa bɔnɛ ni. O funɛ kpoku wa ba naa chel chen ni, amaa o kpak ma sikiu. Ma nyɛ o kpak ma siki aa la. Ma ta nyɛ o wa teŋ ma a taali.

Room 11:22 Referans Kwoze

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

1 Kɔr. 15:2

Ma nu laaboor weri ti, Koosa zi wa yisi mau a li ma tum tagna ni hali o wa peti. Ma se vɛ su un wuti, o wa zi wa ya chen a nyɛ ma.

Jɔn 15:2

O yaa ŋmɛnsi hulsa a naa vɛ nɔni chenu a ta, a ŋmɛnsi a naa la nɔn chen a bura nɔn kinkan.

JɔnN Deesi 2:5

Ma lisi chenani o fun te du a bur kuwa mu wati. Ma vɛ di ma wa zi bur wa, mu zi bur wa ma watiu lalaga a wa zer ma fitin bar chiŋsi a chɔk un.

Gal. 6:9

Ma ta nyɛ ya tum tum were a kuuli. Ya kpak chen nɛnɛ, Koosa zi bɔ ya ya chimu.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Ju 10:23

Ya se su di chenani o fun vɔu a nyɛ ya chen, zi ya wutiu. Ma nyɛ ya kpak chenani ya ŋɔ nara ni di ya kpak bambi bɛgim un niu nɛnɛ.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Jɔn 8:31

Doone Yesu fun ŋɔ ba, “Ma tiŋ mu biksi nɔ, ma waa la zi ya mu gantɛl tiŋ wutɛ.

1 Tɛs. 3:8

Ma kpak kpok a kitiŋ ya kunyan ti nɛnɛ, ya bambe zi kpoku ma daha.

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Luk 8:15

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

1 Tɛs. 3:5

Saha naa ma wɛ fun wa muksi min kinkan, mu funɛ tum Timotiu ma wati di o wa na chenani ma du, a naa ma se ha vɛɛn su Yesu akoo ma se wa su un. Mu wa zim, ami sintana wa zaamsi mau ka ma tiŋ o nɔ ka ya tuma chɔk a ta yɔri.

1 Jɔn 2:19

Ba bɔnɛ funɛ nyɛn ya wati, amaa ba wa fun ya ya walɛ. Ba fu funɛ ya ya walɛ, ba fu zi nyɛn ya watiu. Amaa chenani ba chɔ a li ya wati chen, biksi di ba wa ya ya walɛ.

Room 11:21

Koosa wa fun te kpak siki a li bugil ti hulsi ta ni a teŋsi a a ta. Ma doso ka o zi wa teŋsi mau a ta.