Room 1:1 - Tampulma

¹ Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 1:1 Referans Kwoze

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

1 Kɔr. 1:1

Mu waa, Pɔɔl, awa ya niinbe Sɔstenis zaami mau. O funɛ sɔɔni Koosa tuhau o fun nyɛ mu ya Yesu Kristo nitumi.

Kɔl. 1:1

Min, Pɔɔl, naa Koosa fun lisi di mu burgi Yesu Kristo nitumi, la sɔbi tɔn nɔ a nyɛ ma.

Tait. 1:1

Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

Room 1:9

Koosa naa muu tum a nyɛ awa mu bambi maga ni a la biksi o laaboor weri ti o be wɛ a nyɛ nara ni, waa ya mu sɛhɛra tiina di mu yaa sumi unu ma daha,

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

1 Kɔr. 9:1

Mu wati, mu wa dɔ mu titii? Mu wa ya Yesu Kristo nitumɛ ta digirɛɛ? Mu wa fun na ya kunyan Yesuu? Ma waa tiŋ Yesu domi mu funɛ wa ma wati a biksi ma Koosa laaboor weri ti wɛɛ?

2 Tim. 1:11

Koosa fun lisi min di mu ya o nitumi a la biksi nara o laaboor weri ti wɛ.

1 Tim. 1:1

Min waa, Pɔɔl, la sɔbi tɔn nɔ. Koosa naa funɛ yisi ya a li ya tum tagna ni di yaa tiŋ un, awa Yesu Kristo naa nyɛ ya kpak bambi bɛgim un ni, ba funɛ ŋɔu di mu ya Yesu Kristo nitumi.

Gal. 1:1

Min waa, Pɔɔl, la sɔbi tɔn nɔ a nyɛ ma. Nara wa fun lisi min di mu ya nitumi, amaa Yesu Kristo awa ya kunyana Koosa naa lɛli un a li o sou ni, funɛ lisi min.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

Ju 5:4

Nandigi wa fun lisi o titi di o ya Koosa dam kɔkɔɔra, chen ni nibinsa zi nyɛ un jirimau. Koosa duŋduŋ lisi un, a chi chenani o fun te lisi Ɛrɔn saha digi chen.

Filip. Tima 2:11

Ba maga zi wa ŋɔ gbampulim niu di Yesu Kristo ya ba kunyan ti. Chen la zi nyɛ o nyana Koosa jirimau.

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

Ɛfɛ. 1:13

Ba funɛ wa biksi ma Koosa laaboor weri naa ya wuti wɛ, ma fun a nu ba biksi ti, ka Koosa fun a yisi ma a li ma tum tagna ni ma tiŋ un. Chen saha ti ma se funɛ su Yesu Kristo. Chendaha Koosa fun kpa o siim weri naa o fun vɔu di o nyɛ ma a dani ma.

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 11:5

Ma lisu di nibiksɛ nama ya nibirigewa a kaali min. Mu wa la nɔɔni a nyɛ ma.

2 Kɔr. 4:5

Ya wara biksi narawa ya titi wɛ. Ya ka biksi ba Yesu Kristo naa ya ya kunyan ti wɛwa. O daha ya wa ya ma tumtumsa.

Room 1:16

Koosa laaboor weri ti ya mu jirima kin. Koosa funɛ kpa o kpokre a du un ni, chen ni Koosa zi kotiu a yisi ba naa maga se su o laaboor weri ti a li ba tum tagna ni. O te ya chene a nyɛ ba naa ya Ju tim ni a ka zi ya a nyɛ ba naa vɛ ya Ju tim ni.

Tuma 22:21

Mu kunyan ti fun bukoo ŋɔ min, ‘Mu kaa tum hin i la ba naa vɛ ya Ju tim watɛɛ a li tɔ bar bole ni. Adaha kila.’ ”

Tuma 22:7

Mu fun chel tɛɛnɛ ni a nu ta ka o ŋɔ min, ‘Sɔɔl, baŋnɛ ii namsi min chen ni?’

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

JɔnN Deesi 22:9

Amaa o funɛ ŋɔ minu, “Ta ya chen, domi mu wa hin awa i niinbisa ba naa ya Koosa witinsa ka ba tiŋ tɔn nɔ sɛma nɔ, ya Koosa tumtumsiwa. Kijɛɛmi o duŋduŋ.”

Kɔl. 1:25

Koosa nyɛ mu tum a nyɛ o nitiŋɛ ta ni, chen ni mu zi suŋi bau kinkan. Waa funɛ nyɛ mu ya chen tumtumna a ŋɔ di muu biksi o laaboor weri ti maga hali a wa peti.

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

Room 15:29

Mu wa pu ma, mu zimu di Kristo zi nyɛ mu wa ma kpak tu sɔɔnau kinkan.

Room 11:13

Ma naa vɛ ya Ju tima, maa nu mu wati lalaknɔ. Chenani Koosa nyɛ mu ya o nitumi di muu biksi ma o wɛ ya mu jirima kin.

Tuma 27:23

Dusum ti Koosa naa dɔ min awa naa mu jɛɛmi, fun tum o malaikasi ta digi o wa ŋɔ min,

Tuma 26:1

Agripa fun ŋɔ Pɔɔl ni, “I kpak nyinbaanu a zi kok i titi.” Pɔɔl fun viigi o nin a ŋɔ,

Tuma 13:9

Sɔɔl sɔn digi funɛ ya Pɔɔl. O funɛ na chenani Ɛlimas ya, Koosa siim weri ti fun si un ni o nyini o se ni,

Jɔn 15:15

Chenani maga mu nyan ti fun ŋɔ min, mu funɛ kpa a magau a ŋɔ ma. Chendaha mu gbanko sɛm di ma ya mu chɛnsiwa. N wa zi bu ŋɔ di ma ya mu tumtumsiwa, domi tumtumsa wa zim chenani ba kunyana tum.

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

JɔnN Deesi 22:6

Doone malaika ti fun ŋɔ min, “Chenani mu kaa ŋɔ hin deŋlu a ya wuti. Ya kunyana Koosa naa funɛ kpa o siim weri ti a du o witinsi ta ni, funɛ tum o malaika di o biksi o tumtumsa chenani la zi wa ya lalaga.”

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.

Tuma 26:14

Ya maga fun chesi tɛɛnɛ ni. Mu fun nu ta ka o ŋɔ min a li Ju tim ta sɛm ni, ‘Sɔɔl, baŋnɛ ii namsi min chen ni? I nyɛ i titi dɛŋarɛ a chi nuwal naa yaa galimi a pa o kunyan chen.’

Tuma 21:40

Lanjimasi ta nihɛɛ nyuhu tiin ti fun nyɛ un nyinbaan. Pɔɔl fun chiŋi naŋgere bar nɔsɛ nyuhu ti ni a viigi o nin di zɛmɛ ta gil chɛɛma. Ba fun moori ka o sɛm sɛma a nyɛ ba a li Ju tim sɛm ni.

Jɔn 15:20

Ma lisi chenani mu fun ŋɔ ma di yom wa to a zen a kaali o kunyana. Ba funɛ muksi minu kinkan, adaha ba zi wa muksi ma gbanko zi nu ma sɛmau.

Maak 1:14

A gantɛl nɛɛ koor Hɛrɔd fun nyɛ ba kpak Jɔn a tɔ un dɛ, Yesu fun si dooni a kaali Galili pulum a wa mɔɔli Koosa laaboor weri ti a nyɛ nara ni,

2 Kɔr. 2:12

Mu funɛ wa tel Troas, ya kunyan ti fun a nyɛ min nyinbaan kinkan di mu biksi nara Yesu Kristo laaboor weri ti wɛ.

2 Kɔr. 11:7

Mu funɛ te nyɛn ma wati a biksi ma Koosa laaboor weri ti wɛ, mu wa funɛ daŋni bɔta. Mu funɛ bur mu titirɛ gantɛl di ma zer ma nyuuna buudaha. Chen wa fun deŋlii?

1 Tɛs. 2:8

Domi ya funɛ daŋni mau kinkan, o wa fun ya di Koosa laaboor weri ti duŋduŋnɛ ya funɛ daŋni ya kpa a nyɛ ma. Hali ya funɛ daŋni ya kpa ya titi miisarɛ a nyɛ ma.

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

1 Pita 4:17

Koosa saksi di o di tɛɛnɛ nɔ tim maga sɛriau lalaknɔ. O wa wa, o zi te di ba naa o dɔ chen sɛriau a zi di ba naa se vɛ su o laaboor weri ti chen. O piili ya ni, yɛrɛ o kaa du ba ni?