JɔnN Deesi 8:12 - Tampulma

¹² Anaasi tiin ti fun hu o kaabul. Ba fun purigi nha awa pɛna wa wula butora a lisi a chaani bar digi a ta. Ba gbanko fun purigi dusum awa nha a lisi a chaani bar digi a ta.

JɔnN Deesi 8:12 Referans Kwoze

JɔnN Deesi 6:12

Doone mu fun nyini a na ka piisi be ti fun kasi kitɔɔli anɔra tiina a bu puk tɔn ti tama a gbaari. Tɛɛnɛ nɔ maga fun vaan zigsi kinkan ka nha fun biri a chi dinhala. Pɛna fun burgi kisɛm a chi chɛl,

JɔnN Deesi 9:18

Nyɔɔsa naa ya kibilim a chi sumin awa din a naa funɛ li zaagni ta nɔɔni ni fun kpu tɛɛnɛ nɔ tima ba naa maga malaikasa naasi ta fun purigi butora a lisi bar digi chen.

JɔnN Deesi 9:15

Malaikasa naasi ta fun li mɔɔga ti ni a purigi tɛɛnɛ nɔ maga nara butora a lisi ba digi di a kpu ba. Ba fun kpa a a chiŋsi hali a wuzu naa Koosa fun ŋɔ di a tum chen.

Maak 13:24

“A wuzuni ta namsi ti wa peti, ‘Nha wa pɛna zi wa burgi birsau.

Mat. 24:29

“A wuzuni ta namsi ti wa peti, ‘Nha wa pɛna zi wa burgi birsau ka wula wa li buudaha a chesi. Kin nawara nyɛn buudaha ni a kpok, zi wa na muksiu kinkan.’

JɔnN Deesi 12:4

Sel zen ti fun purigi buudaha butora a lisi bar digi a kpa o munzuha a chaasi wula a ta tɛɛnɛ nɔ maga ni. Sel zen ti fun chiŋi nihaan naa la duuri chen suwachak ni, chen ni o lulɛɛ, o zi se be tiu.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Luk 21:25

“Mu waa nibine be waali saha wa dugli, daanɛ zi wa nyɛn nha awa pɛna awa wula niu. Teku zi damu a chɛɛmi kinkan. Hansura zi wa kpak tɛɛnɛ nɔ maga narau kinkan a la gali.

Maak 15:33

Nha funɛ wa tel sal baan nyuha, doon fun wa biri a vusi hali saha naa niparɛ yaa par a si chen.

Mat. 27:45

Nha funɛ wa tel sal baan nyuha, doon fun wa biri a vusi hali saha naa niparɛ yaa par a si chen.

Tuma 2:20

Nha wa zi bu chaani ka pɛna sɛri a chi chɛl. Kin nama maga zi wa te yau ka mu wuzu zen zi wa tel.

JɔnN Deesi 16:10

Malaikasa nyuun tiina fun la biti a du kin nawara sel zen naa funɛ li ni ni chen, dɔ. O koor ti bar nyɛni fun wa biri ka o nitiŋɛ fun na paan a dusi ba zuluma.