JɔnN Deesi 7:4 - Tampulma

⁴ Nandigi fun ŋɔ min chenani Koosa malaika ti zi dani Koosa tumtumsa a mak. O funɛ dani tusuk kɔk di fumnaasi danaasiwa a li Ju tim buuri fidalɛ ni.

JɔnN Deesi 7:4 Referans Kwoze

JɔnN Deesi 14:1

Doone mu fun nyini a na ka piisi be ti wa kɔk di fumnaasi danaasi tusugsa nara funɛ chiŋi bi naa ba yir Zaiyɔn. Ba funɛ sɔbi o sɔn awa o nyana sɔnnɛ a sak ba tilsi ni.

JɔnN Deesi 14:3

Ba naa wa piisi be ti funɛ chiŋi, ba se funɛ chem doonani Koosa jirima bar kani awa sela naasi ta wa nihɛɛta fumlɛ danaasi ta fun nyɛn, a lɔ bool fali. Kɔk di fumnaasi danaasi tusugsa ba naa piisi be ti fun lisi a li tɛɛnɛ nɔ tim maga, ba duŋduŋ funɛ koti a lɔ bool fali ti.

Luk 22:30

Wuzu digi ma wa min zi wa di diweu a li mu koor ti ni ka ma kani koorsa bar kanɛ ni di ma di Ju tim buri fidalɛ ti sɛria.”

Mat. 19:28

Yesu fun ŋɔ un, “Wutirɛ n kaa ŋɔ ma nan. Mu waa nibine be wa bur wa di mu wa dɔ tɛɛnɛ nɔ maga nara a di ba sɛria, ma gantɛl tiŋsa nara fidalɛ na gbanko zi wa di Ju tim buri fidalɛ sɛriau.

Tuma 26:7

Ya buuri nara fidalɛ ba naa maga yaa jɛɛmi Koosa, kpak bambi bɛgimu a li vɔwi ti ni. Koor Agripa, Ju tim ta fiksi minu i suwachak ni zinan, domi mu gbanko kpak bambi bɛgimnɛ un ni.

JɔnN Deesi 9:16

Lanjimasa ba naa funɛ zini zaagna a la laal bar chemi fun tiŋ malaikasa naasi ta gantɛl. Ba fun ŋɔ min di ba iiu nara vɛ koti a gur ba.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

Room 9:27

Koosa witiina Azaaya gbanko funɛ ŋɔ Ju tim ta wɛu gbampulim ni, “Hali Ju tim ta iiee a chi mɔɔga hɛɛra, Koosa zi yisi ba nara tamau a li ba tum tagna ni ba tiŋ un.

JɔnN Deesi 7:5

O funɛ dani tusuk fidalɛwa a li Juda awa Rubɛn wa Gad a li ba maga buurisi ta ni.

Luk 14:22

O tumtum ti fun li a kaali a la tum chenani o kunyan ti ŋɔ un. O funɛ bu bur wa, o fun ŋɔ un, ‘Mu tum chenani i daŋniu, amaa i dam ti ha wa vɛɛn su.’