JɔnN Deesi 7:11 - Tampulma

¹¹ Sela naasi ta awa nihɛɛti ta awa malaikasa a naa maga fun si a pimi tɛɛnɛ ni Koosa jirima bar kani suwachak ni a jɛɛmi un,

JɔnN Deesi 7:11 Referans Kwoze

JɔnN Deesi 4:10

A funɛ lɔ a bool ta chene, nihɛɛta nara fumlɛ danaasi ta yaa fun siu a pimi tɛɛne ni a jɛɛmi naa funɛ kanɛ Koosa jirima bar kani a nyɛn hali saha naa vɛ kpak bɔ, ni. Ba yaa fun bini ba salma nyuchigsau a dau a li o suwachak ni a kpa aa chiksi a ŋɔ,

JɔnN Deesi 4:6

Bɛɛŋa naa funɛ pɛn a lili a chi diga gbanko funɛ nyɛn o suwachak ni. Sela naasi funɛ chiŋi a go un a gbaari. A maga se funɛ iiu a nyɛn a se awa a naŋkporsi ni.

JɔnN Deesi 11:16

Nihɛɛta nara fi danaasi ba naa funɛ kani a go Koosa chen, fun si pimi tɛɛnɛ ni a jɛɛmi un a ŋɔ,

JɔnN Deesi 4:4

Bar kanɛ fumlɛ danaasi funɛ go un. Nihɛɛta nara fumlɛ danaasi funɛ kani doonma ni. Ba maga funɛ laari kipilimiwa a chik salma nyuchigsa.

Ju 1:6

Koosa funɛ tum o be bɛgim tɛɛnɛ nɔ maga ni, a fun ŋɔ o wɛ, “Nyɛ mu malaikasi ta maga kijɛɛmi un.”

Jɔn 5:23

chen ni nara maga zi nyɛ min jirimau a chi chenani ba yaa nyɛ un jirima. Nara vɛ nyɛ min jirima, ba wara nyɛ mu kunyana Koosa naa tum min chen gbanko wa jirima.

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

JɔnN Deesi 22:9

Amaa o funɛ ŋɔ minu, “Ta ya chen, domi mu wa hin awa i niinbisa ba naa ya Koosa witinsa ka ba tiŋ tɔn nɔ sɛma nɔ, ya Koosa tumtumsiwa. Kijɛɛmi o duŋduŋ.”

JɔnN Deesi 15:4

Ya kunyana, i duŋduŋ ya bambi chaani tiina. Chendaha o deŋlu di nibinsa maga kinyɛ hin jirima a ŋɔ ba dɔŋtim ni chenani i zen mak. Tɛɛnɛ nɔ tim maga zi wa chiŋi i suwachak niu a jɛɛmi hinu, domi ba zimu di i tuma maga deŋlu.”

JɔnN Deesi 4:8

A maga funɛ kpak chɛnɛ anɔnɔrawa ka se ta su a bara maga. Ba yaa funɛ lɔ boola a vɛ hiisi a ŋɔ, “Ya kunyana Koosa naa ya tu chaan tiina a kpak kina maga kpok, i vɛ kpak piili a nyɛn a vɛ kpak peti.”