JɔnN Deesi 6:4 - Tampulma

⁴ Mu fun nyini a na zaag sɛm ka o nyɛn dooni. Ba funɛ kpa chisi zen a nyɛ naa funɛ zini zaag ti chen. Ba gbanko funɛ kpa kpokre di o la a la nyɛ tɛɛnɛ nɔ tim maga la chem laal a kpu dɔŋa a nyɛ un.

JɔnN Deesi 6:4 Referans Kwoze

Mat. 10:34

“Ma ta lisi di mu biksi nɔ zi nyɛ nara lagmi a nyɛn wa bar sɔɔniu. O ka zi nyɛ nara purigi dɔŋ niu.

JɔnN Deesi 13:10

O ya Koosa tutɔrɛ ba zi wa kpaksi ma bɔnɛ a tɔ dɛ a kpa chisi zene a kpu ma bɔnɛ. O lawa ma naa ya Koosa nara di ma namsi wa kanyita niu a kpak nɛnɛ hali o bɔ wa tel. Kin nama zi sir yau.

JɔnN Deesi 17:6

Mu funɛ na di nihaan ti nyɔ Koosa nara awa ba naa ba fun kpu domi ba ha vɛ bur Yesu gantɛl tiŋi ni, chɛl a dɛɛsi. Alaazibu fun kpak min kinkan o daha.

JɔnN Deesi 17:3

Koosa siim weri ti fun nyɛ malaika ti zer min a la nyabaan. Sel zen sɛm naa funɛ kpak nyuuna nɔpɛ awa nyindaasa fi funɛ nyɛn dooni. Ba fun sɔbi sɛm nawara la pini Koosa zoma kidamata a du un ni ka sakaal tiin ti fun zini un.

JɔnN Deesi 12:3

Dana zen digi funɛ gbaari un ni a li buudaha ni. Sel zen sɛm funɛ nyɛn doon. O funɛ kpak nyuuna nɔpɛ awa nyindaasa fire a chiksi koorsa nyuchigsa nɔpɛ.

Jɔn 19:11

Yesu fun ŋɔ un, “Koosa fu vɛ nyɛ hin i kpok nɔ, i fu wa kikoti a ya min wu digi. Chendaha mu siwɛɛ, naa funɛ kpa min a du i nin ni, o galimsa la zi wa kaali i kin.”

Mat. 24:6

Ma wa nu laal wɛ ka a duglɛ akoo bar nyɛni bol, ma ta ɔmi. Chen wa biksi di tɛɛnɛ nɔ maga siili ti saha duglɛu.