JɔnN Deesi 3:2 - Tampulma

² Ma kaa tiŋ chen, o wa zi vusi ka ma bur mu tiŋi ni. Ma si chiŋi a kpak si sɛm a tiŋ nɛnɛ, chen ni ma zi peti tum naa Koosa fun kpa nyɛ ma di ma tumu.

JɔnN Deesi 3:2 Referans Kwoze

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

JɔnN Deesi 16:15

Maa nu chenani ya kunyana ŋɔ ma. O ŋɔ, “Mu zi bur wau ka ma vɛ zim mu wɛ a chi ŋmɛɛr. Chenani Koosa bu vɛ na ma galimsa chi ma gatiwa. Ma doso a kilaari a saha maga, chen ni mu wa wa, ma wa zi kpak bar kpal a chiŋi ma na hiisa nara suwachak ni.”

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

Tuma 18:23

O funɛ ya tama o fun li dooni a gba a go Frijia awa Galesia pulum a kpami Yesu nitiŋɛ ba naa nyɛn dooni di ba kpak Yesu nɛnɛ.

Mat. 25:13

Yesu funɛ sɛm peti, o fun ŋɔ o gantɛl tiŋsi ta ni, “Maa saksi. Ma wa zim saha naa mu kaa bur wa.”

JɔnN Deesi 2:4

amaa wu digirɛ ma vɛ seen a yaali. Ma wara daŋni min a chi chenani ma fun te daŋni min chen.

Mat. 23:5

Ba fun kpa Koosa sɛm tɔn ti kiwiwisa a naa ba fun guti a vɔti ba tilsa awa ba nisa, ba funɛ gutiu a zen. Zɔsɛ naa ba fun kpa gbaari ba kilaarɛ ziŋziŋɛ ni, ba fun nyɛ a gbanko zen. Ba funɛ ya chene di nibinsa nyɛ ba sɔna.

JɔnN Deesi 3:1

“Sɔbi kin nama a la nyɛ naa la nyini Yesu nitiŋɛ ta a li Sardis ni. “Mu waa kpak Koosa siimsa nɔpɛ awa wula nɔpɛ. Ma nu chenani mu kaa ŋɔ ma. Mu zim chenani maa tumu awa chenani nara sɛm di ma tiŋ minu nɛnɛ amaa ma wa tiŋ nɛnɛ.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.

Mat. 25:7

Nihabichɛsa nara fi ti fun yɛrsi a si a dusi ba fitinsi ta,