JɔnN Deesi 3:18 - Tampulma

¹⁸ Ma wa mu wati a wa yau salma naa ba fun kpa du din ni a chaksi di ma ya kin tima wuti awa gar pilima naa ma laari, chen ni ma wa zi bu na hiisa. Ma wa yau se luri a du ma se ni, chen ni ma zi bukoo kinau.

JɔnN Deesi 3:18 Referans Kwoze

JɔnN Deesi 16:15

Maa nu chenani ya kunyana ŋɔ ma. O ŋɔ, “Mu zi bur wau ka ma vɛ zim mu wɛ a chi ŋmɛɛr. Chenani Koosa bu vɛ na ma galimsa chi ma gatiwa. Ma doso a kilaari a saha maga, chen ni mu wa wa, ma wa zi kpak bar kpal a chiŋi ma na hiisa nara suwachak ni.”

1 Pita 1:7

Nibinsa yaa kpa salmau a du din ni di o burgi kiweri. Chen vɛɛna, Koosa nyɛ sintana zaamsi ma, chen ni o zi biksi di ma se suuli naa ma kpak un ni, chen ya wutirɛ. Ma se suuli ti Koosa wati, o kaali salma naa la zi wa chɔku. Saha naa Yesu Kristo wa bur wa nara suwachak ni, Koosa tuha zi sɔɔniu wa ya ni ka o zi nyɛ ya o jirima awa o chaani kinkan.

JɔnN Deesi 19:8

Ba funɛ nyɛ o haan ti nyinbaanu di o laari kichaani weri. A waa ya tum were naa Koosa nara fun tumi.”

JɔnN Deesi 7:13

Nihɛɛti ta digi fun bur a pɛɛsi min, “Ba naa laari takta ziŋɛ pilima nan, anti ya ba? Leene ba li?”

Mat. 13:44

“Koosa koor ti chi salma naa sogli nyɛn tɛɛnɛ nɛɛ. Baal digi fun wa hur a la na un a bukoo sogli un lalaga. O tuha funɛ sɔɔniu kinkan salma ti daha. O la yogli o kina maga a bur kaali tɛɛnɛ ti tiina wati a la yau salma ti bar nyɛni ti.”

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

JɔnN Deesi 3:17

Ma ŋɔ ma titi ni, ‘Ya ya kin timawa kinkan a vɛ daŋni kundɔŋ.’ Mu zi ŋɔ ma chenani ma duu wuti. Ma ya fara timwa kinkan a chi nyuluma ba naa laari kizɛrgɛ. Ba naa maga na ma, ma wɛ zi ya ba sikiu.

JɔnN Deesi 2:9

Mu zim chenani ma namsiu kinkan a ya fara tima, amaa ma ta suglɛ di ma funɛ kpa kidamatiwa a chiŋsi a li Koosa tɔhɔn ti ni. Bɔnɛ nyɛn ma ni aa chɔk ma sɔna. Sintana dɔ ba, domi ba ŋɔ di ba ya Ju timwa a vɛ yaali.

2 Kɔr. 8:9

Ma zimu chenani ya kunyan Yesu Kristo funɛ daŋni ya a la suŋi ya kinkan. O funɛ kpa o kidamatiwa a ta, a fun a ya fara tiina ma daha, chen ni ma zi lau a li o kidamati ta ni.

2 Kɔr. 5:3

O wa ya chen, ya siimsa wa zi pɔɔgi bara.

Luk 12:21

Yesu funɛ sɛm a wa mak o bɔ, o fun ŋɔ zɛmɛ ta ni, “Ba naa ya malɛ tima ba titi wati, amaa ba wa kpak wu digi Koosa wati, nannɛ o zi wa du.”

Mat. 25:9

Ninɛɛgɛ ta fun ŋɔ ba, ‘Ya nu ti wa kimak ya maga. Ma la niyogle wati a la yau.’

1 Tim. 6:18

Kibiksi ba baa tum tum were nɛnɛ a kidaŋni ba bɔni ba kina a nyɛ ba dɔŋtima ni.

JɔnN Deesi 4:4

Bar kanɛ fumlɛ danaasi funɛ go un. Nihɛɛta nara fumlɛ danaasi funɛ kani doonma ni. Ba maga funɛ laari kipilimiwa a chik salma nyuchigsa.