JɔnN Deesi 22:15 - Tampulma

¹⁵ Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.

JɔnN Deesi 22:15 Referans Kwoze

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

Filip. Tima 3:2

Ma doso kinkan ba naa funɛ teŋsi ba titi bara a la tum tum tagna a la daŋni ba teŋsi ma gbanko chen. Ba chi vasa a naa ya yɔrirɛ a gba a tum tum tagniwa.

JɔnN Deesi 21:27

Tum tagna nitumɛ awa ba naa tum chɔkumsi tuma a la suni wɛ, ba wa zi koti a zu dooni. Ba naa ba fun sɔbi ba sɔna a du piisi be ti mi fali tɔn ti ni duŋduŋ la zi zu dooni.

Kɔl. 3:6

Koosa na paanu a du ba naa la ya chen tim ni. Wuzu digi o zi wa lɛrgi ba naa vɛ tiŋ o nɔ diŋsau.

JɔnN Deesi 18:23

Nandigi wa zi bu suk fitina dooni akoo a lagmi o chɛnsa di ba wa di diwe o haan fali dam ni. Nikpiŋɛ ba naa funɛ nyɛn dooni chen funɛ zim kpiŋi a kaali ba maga. Ba naa la tum tu bilima tumi a nyɛn dooni, fun mur nidamata.”

Tuma 8:11

Chenani o yaa funɛ tum tu bilim tuma a nyɛ ba chen ya ba alaazibu kinkan. Chendaha ba fun nu o sɛm ta nɛnɛ.

Mat. 8:12

Ma Ju tima, ma waa fu zi zu dooni. Amaa ma vɛ zuuli chen. Chendaha Koosa zi wa kpa mau a yo du birsi ni. Dooni ma zi wa wi kinkan.”

Jɔn 8:46

Nandigi nyɛn ma ni a la zi biksi min di mu tum galimsi tumauu? Nandigi wa to. Mu yaa ŋɔ ma wuti tiu, ka yɛrɛ ma se vɛ su chenani mu ŋɔ ma?

Mat. 7:6

“Ma ta kpa Koosa kiwere a biksi ba naa la zi nyɛ a jirima. Ma ta kpa kiwere a nyɛ vasi ni a zi bur a dusi ma. Ma ta kpa ma bunɔɔta kin a yo ta kurchu suwachak ni, chen ni aa zi val a daha a chɔk.”

1 Tim. 1:10

a la tum chɔkumsi tuma a daŋni ba wa ba dɔŋtima nibaala kichɔ, a kpaksi nara a la yogli a la sɛm nusun sɛma a la chɔk nara sɔna a la tum tum naa vɛ tiŋ wuti nyinbaan biksi ti.