JɔnN Deesi 22:11 - Tampulma

¹¹ Chen saha ti wa tel, ba naa la tum tum tagna awa tum doŋa, ba zi tum au a gbaari. Ba naa ka la tum tum were, ba zi tum au a gbaari. Ba naa ya tu chaan tima gbanko tusa zi chaaniu a gbaari.”

JɔnN Deesi 22:11 Referans Kwoze

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

Mat. 15:14

Ma ta nyɛ chenani Farisi tim ta sɛm muksi ma. Ba chi nyuluma la lɛrgi dɔŋa. Ba ya chen, ba maga zi chel bɔ niu.”

Mat. 5:6

Ba naa yaa kpak un ba bambe ni di ba tum chenani Koosa daŋni di ba tum, o zi suŋi bau a nyɛ ba tu sɔɔna.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

Mat. 25:10

Nihabichɛl womni ta fun li a kaali a la yau. Ba funɛ kaali chen, haan fali baal ti fun wa. Nihabichɛl nɛɛgɛ ba naa funɛ saksi awa ba nu ti ni, ba wa un fun la zu o dama di ba la di diwe. Ba funɛ la zu, ba tɔ bulzɔɔnɔ.

Ɛfɛ. 5:27

Yesu Kristo funɛ ya chene, di wuzu digi o zi kpa ba naa kpak o jirimau a ya bambi chaan tima a ya niwere a wa Koosa suwachak. O wa zi bu na ba galimsa.

Mat. 21:19

Ba funɛ la chene, o fun na bugil naa ba yir ‘fig’ ka o chiŋi nyinbaan nɔ ni. O fun kaali o mun a daŋni o di o nɔna. O ka wa fun na kundɔŋ. Kpachak duŋduŋnɛ o fun kpak. Yesu fun ŋɔ bugil ti ni, “Nandigi wa zi bu di i nɔna zinan wuzu nɔ kpa la saha maga.” Bugil ti kpachaga fun vaan loori ka o sou.

Jɔn 8:21

Yesu fun bu ŋɔ ba, “Mu saksi di mu la bar digi. Mu wa la, ma wa kikoti a tiŋ min. Ma zi wa dɛu minu, amaa ma wa zi gil tum tagna tumi hali a wuzu naa ma wa siti.”

JɔnN Deesi 16:21

Doonbe kinkan fun li buudaha a wa yaksi nara. Doonbe ta yuyuk awa niŋmɛna booto yuyuk funɛ ya kibɛgimnɛ. Nara tima fun ŋɔ nɔɔna a nyɛ Koosa ni domi waa funɛ nyɛ doonbe ta yuyuk.

JɔnN Deesi 22:3

Kin nawara Koosa fun ŋɔ nɔ a nyɛ wa zi nyɛn tɔhɔn ti ni. Koosa awa piisi be jirima bar kani nyɛn dooni. Chendaha ba tumtumsa duŋduŋ nyɛn dooni a la jɛɛmi ba.

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Mat. 5:45

Ma ya chen, Koosa naa nyɛn o tɔha ni zi nyɛ ma burgi o bisau. Waa funɛ naami nha di o chaani nibin tagna awa nibin were ni, a nyɛ doon mi ba naa la tum tum tagna awa ba naa la tum tum were daha.