JɔnN Deesi 21:4 - Tampulma

⁴ O zi fiisi ba sine magau a ta a li ba se ni. Sou awa namsi wa bara wiha wa zi bu nyɛn. Chenani o fun te du wa bu toli.”

JɔnN Deesi 21:4 Referans Kwoze

JɔnN Deesi 7:17

Piisi be naa duglɛ Koosa jirima bar kani zi ya ba nigbaŋiu a zi te ba suwachak a dɛu ni pali di ba nyɔ. Hali Koosa titi zi fisi siniu a ta a li ba se ni.”

1 Kɔr. 15:26

O gantɛl dɔm naa o zi nyaŋi ya sou.

1 Jɔn 2:17

Tɛɛnɛ nɔ maga awa kin nawara nara daŋni, a maga wa zi vusi, amaa naa tiŋ Koosa tutɔ, waa la zi wa na o mi fali naa vɛ kpak bɔ.

Mat. 24:35

Buudaha awa tɛɛnɛ zi wa petiu wuzu digi, amaa mu sɛma wa zi kut peti.”

JɔnN Deesi 21:1

Doone mu fun nyini a na ka buudaha awa tɛɛnɛ nɔ maga wa teku ni fun nyuksi. Koosa funɛ naami buudaha awa tɛɛnɛ nɔ maga kifalɛ di a chiŋi a bar chiŋi ni.

JɔnN Deesi 20:14

Ba fun kpa sou kpok awa nisitɛ bar nyɛni a yo du bɛɛŋ naa din nyɛn saha maga ni di a wa chɔk.

JɔnN Deesi 22:3

Kin nawara Koosa fun ŋɔ nɔ a nyɛ wa zi nyɛn tɔhɔn ti ni. Koosa awa piisi be jirima bar kani nyɛn dooni. Chendaha ba tumtumsa duŋduŋ nyɛn dooni a la jɛɛmi ba.

2 Pita 3:10

Ya kunyan ti wa wa, o kaa wa chi chenani ŋmɛɛr ya wa chene. Chen wuzu ti wa tel, o zi jimu a chi dinful. Buudaha zi wa nyigmiu ka din wa di tɛɛnɛ maga.

1 Kɔr. 7:31

Ma naa kpa ma bambe maga a du tɛɛnɛ nɔ maga kina ni, ma nyɛn a chi ma se wa sɛri a ni, domi o wa zi vusi ka tɛɛnɛ nɔ maga wa chɔk.

2 Kɔr. 6:17

O gbanko fun ŋɔ, “Ma waligi ma titi a li ba naa la jɛɛmi vursa ni, chen ni ma wa zi bu gbaŋsi a kina. Ma ya chen, mu titi zi la ma a duu.

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

Ju 12:27

O fun ŋɔ di o zi bu wa nyɛ tɛɛnɛ nɔ maga zigsiu. Chen biksi ya di o zi wa zigsi kin nawara o fun naamiu a ta a yɔri. Kin nawara o zi vɛ wa zigsi, zi nyɛnu.

JɔnN Deesi 20:13

Ba naa funɛ siti ka ba sogli ba tɛɛnɛ awa teku ni ni awa ba naa funɛ nyɛn nisitɛ bar nyɛni ni, ba maga funɛ chiŋi dooni. O fun di ba sɛria a li tum naa ba tum ni.